1月24日到健康院見醫生,醫生話天柏個髖關節比較緊,轉介到骨科,醫生話可能係佢嘅骨頭有事,又或者係韌帶有事,又或者咩野事都冇!!!
咁啱我31/1就返工喇,初時打算安排老公同奶奶去便算,但考慮到天柏食奶嘅情況,所以同老細申請攞半日大假,真好!
醫生話唔知骨科會唔會轉介去物理治療,依家未有任何治療前,我地可以多d同佢運動吓個關節,又或者多d用孭帶孭佢,等佢擘大個大脾,可能都會有用!!但我覺得好似擘到好大咁!!
2007年1月27日星期六
2007年1月23日星期二
打針--後記
22/1/07打左5合1針,返到屋企冇異樣,照樣狂食奶到眼瞓,12:30am已經瞓左!!
今朝8:30am起身,食完第餐奶之後,出奇地好快瞓著......平時通常10:30am就醒,今日11:30am都仲未醒,仲要出絕招先醒...已經覺得奇怪!!
點知到1pm食完奶,又好快瞓著!!一瞓就瞓到4:30pm......
問過Paula,佢話bb雖然係打5合1,但都係叫做打左d菌入個身體度,所以正確黎講,佢個身體應該係打緊仗,所以疲倦都唔出奇!!
我仲以為打5合1會一d事都冇添,不過都好,好過佢係咁扭計!!
依家...佢又係食完奶10分鐘內瞓左,族長驚佢今晚唔肯瞓呢!!
今朝8:30am起身,食完第餐奶之後,出奇地好快瞓著......平時通常10:30am就醒,今日11:30am都仲未醒,仲要出絕招先醒...已經覺得奇怪!!
點知到1pm食完奶,又好快瞓著!!一瞓就瞓到4:30pm......
問過Paula,佢話bb雖然係打5合1,但都係叫做打左d菌入個身體度,所以正確黎講,佢個身體應該係打緊仗,所以疲倦都唔出奇!!
我仲以為打5合1會一d事都冇添,不過都好,好過佢係咁扭計!!
依家...佢又係食完奶10分鐘內瞓左,族長驚佢今晚唔肯瞓呢!!
打針
兩個月喇,要打針啊!!原本我都15/16咁諗去私家打5合1好吖,定係跟健康院個schedule好呢,點知12月嘅時候,政府竟然話,舊針副作用會多d,所以會改為bb打4合1!!既然佢都話唔好,我緊係唔跟啦!!其實如果唔係佢要2月先轉,我都會跟架,最衰個時間又唔夾!!
結果昨日帶左天柏到梁醫生處打5合1,到依家為止,佢好似冇咩野唔妥,不過唔知係咪凝住呢,總係覺得佢比平日渴睡咁,今朝我同族長整極佢都唔醒,最後要出動"除尿片"呢個絕招,佢先起身!!午飯過後,佢又瞓左喇!!!
醫生建議我兩個星期之後帶佢返去打"肺炎鏈球菌疫苗",朋友paula話佢唔會咁快俾佢個女打,因為遲d打可以打少兩針,但因為天柏每日都會來回元朗同屯門,所以我同族長都打算依家就幫佢打,不過就要打4針喇!!
另外醫生建議打埋"輪狀病毒疫苗",但我就唔記得佢叫我幾時返去打!!下次再問吓佢!!
雖然打疫苗係最有效幫bb預防疾病,但見到佢咁細隻,俾支咁長嘅針打入去,都幾心痛架!不過族長又出動安慰:"你同我細個都係要打咁多針架啦,佢依家記唔記得痛吖???我就唔記得喇!!!!"
.............................我又真係唔太記得自己咁細個打針嘅情形喎!!但亦唔可以否認佢被打針個吓係好痛架!!!
結果昨日帶左天柏到梁醫生處打5合1,到依家為止,佢好似冇咩野唔妥,不過唔知係咪凝住呢,總係覺得佢比平日渴睡咁,今朝我同族長整極佢都唔醒,最後要出動"除尿片"呢個絕招,佢先起身!!午飯過後,佢又瞓左喇!!!
醫生建議我兩個星期之後帶佢返去打"肺炎鏈球菌疫苗",朋友paula話佢唔會咁快俾佢個女打,因為遲d打可以打少兩針,但因為天柏每日都會來回元朗同屯門,所以我同族長都打算依家就幫佢打,不過就要打4針喇!!
另外醫生建議打埋"輪狀病毒疫苗",但我就唔記得佢叫我幾時返去打!!下次再問吓佢!!
雖然打疫苗係最有效幫bb預防疾病,但見到佢咁細隻,俾支咁長嘅針打入去,都幾心痛架!不過族長又出動安慰:"你同我細個都係要打咁多針架啦,佢依家記唔記得痛吖???我就唔記得喇!!!!"
.............................我又真係唔太記得自己咁細個打針嘅情形喎!!但亦唔可以否認佢被打針個吓係好痛架!!!
兩個月大
兩個月大喇!!話都冇咁快,同時代表我就快要返工,每日都會最少見少佢8個鐘!!好唔舒得啊!!
一同佢講BB話,佢就鬼死咁開心,最近發現其實你只要不停咁講野,佢都會笑成咁,好似有日我老豆係咁同佢重覆講同一句說話,佢都會有咁嘅表現!!
小朋友要快高長大,開開心心呀!2007年1月20日星期六
復工在即
31/1/07就要返工喇!!前幾日老細已預告--有好多野做!!
開始担心返工後唔可以泵奶,咁亞仔咪冇得食,要飲奶粉!!唔得喎,我唔想佢咁快飲奶粉呀!!請教醫生,佢話如果返工真係唔可以泵,就可以o係去洗手間時用手泵出黎同唔要,目的係要俾訊號個腦,仲有供求啊,至於儲奶,就要夠o係屋企埋身餵時儲了!!
依家儲左11包5安嘅奶,我會繼續努力架喇,務求令亞仔可以享有專為佢而設嘅食品!!
開始担心返工後唔可以泵奶,咁亞仔咪冇得食,要飲奶粉!!唔得喎,我唔想佢咁快飲奶粉呀!!請教醫生,佢話如果返工真係唔可以泵,就可以o係去洗手間時用手泵出黎同唔要,目的係要俾訊號個腦,仲有供求啊,至於儲奶,就要夠o係屋企埋身餵時儲了!!
依家儲左11包5安嘅奶,我會繼續努力架喇,務求令亞仔可以享有專為佢而設嘅食品!!
抱抱
o係我所識嘅媽媽朋友中,個個都同我講過呢句說話:"1歲前嘅BB,無論佢係因為肚餓,賴左便便唔舒服,扭瞓覺,定係扭抱,總之佢想你抱,而你又得閒嘅,你咪抱囉!佢地想你抱佢,俾D安全感佢之麻!!況且到佢識行嘅時候,你想好似依家咁抱佢地都幾難喇!!"
我對"抱佢可以俾到安全感佢"呢個態度好認同,而我亦同意到小朋友識行識走時,佢亦唔會願意俾我好似依家咁抱到佢實!!因為佢已經開始有佢嘅世界了!!
不幸地,我呢個諗法,竟被奶奶理解為---縱!!因為佢一喊,我就抱佢,咁就係縱佢喇!奶奶認為--由得佢喊囉!!喊到疲倦就會自己停架啦!!唔可能我地要食飯都一路抱住佢架!!
我...一直都冇諗過會縱佢喎!!做得啱要讚,做得唔啱要糾正,我一直都係咁諗,咁佢想我地抱吓啫,又唔係做錯左D咩野,點都講唔到縱啩!!而且我唔係佢一喊我就抱喎!!!
最重要係,晚上佢唔使我地抱住佢先肯去瞓,我覺得已經好好喇,日光日白想我地抱,咁咪抱囉!!
不過我知奶奶咁講,都係唔想我地咁辛苦啫,我都明嘅,但我要重申,我唔會縱佢架!!唔好每次見到我,都話我縱壞左BB先得架!!
我對"抱佢可以俾到安全感佢"呢個態度好認同,而我亦同意到小朋友識行識走時,佢亦唔會願意俾我好似依家咁抱到佢實!!因為佢已經開始有佢嘅世界了!!
不幸地,我呢個諗法,竟被奶奶理解為---縱!!因為佢一喊,我就抱佢,咁就係縱佢喇!奶奶認為--由得佢喊囉!!喊到疲倦就會自己停架啦!!唔可能我地要食飯都一路抱住佢架!!
我...一直都冇諗過會縱佢喎!!做得啱要讚,做得唔啱要糾正,我一直都係咁諗,咁佢想我地抱吓啫,又唔係做錯左D咩野,點都講唔到縱啩!!而且我唔係佢一喊我就抱喎!!!
最重要係,晚上佢唔使我地抱住佢先肯去瞓,我覺得已經好好喇,日光日白想我地抱,咁咪抱囉!!
不過我知奶奶咁講,都係唔想我地咁辛苦啫,我都明嘅,但我要重申,我唔會縱佢架!!唔好每次見到我,都話我縱壞左BB先得架!!
是獎勵? 甜頭? 還是事實??!!
前幾日,天柏突然連續有兩晚一覺由11pm瞓到朝早6am,滿心歡喜地以為...戒夜奶???
我都知只出現一兩晚嘅表現唔可以作準,果然,跟住嘅晚上,回復正常!!都係3am起一次身食奶!!
呢個令我同族長都好喜歡嘅表現,昨晚又再出現喇,今次仲勁,由12am瞓到今朝8:30am!!!
我開始諗番,點解呢三晚佢可以有咁嘅表現呢??大概有個相同嘅情況,就係呢三晚臨瞓前,佢都食得好勁,幾乎可以用"狂食"黎形容!!
餵人奶,我唔知佢食幾多,所以佢肚餓我就會餵,亦唔會好刻意咁定時定候叫佢起身食(因為我仲放緊產假啊!!)所以我暫時都唔會o係晚上刻意"餓"佢!而令到佢可以晚上唔起身!!都係順其自然啦!!
我都知只出現一兩晚嘅表現唔可以作準,果然,跟住嘅晚上,回復正常!!都係3am起一次身食奶!!
呢個令我同族長都好喜歡嘅表現,昨晚又再出現喇,今次仲勁,由12am瞓到今朝8:30am!!!
我開始諗番,點解呢三晚佢可以有咁嘅表現呢??大概有個相同嘅情況,就係呢三晚臨瞓前,佢都食得好勁,幾乎可以用"狂食"黎形容!!
餵人奶,我唔知佢食幾多,所以佢肚餓我就會餵,亦唔會好刻意咁定時定候叫佢起身食(因為我仲放緊產假啊!!)所以我暫時都唔會o係晚上刻意"餓"佢!而令到佢可以晚上唔起身!!都係順其自然啦!!
2007年1月18日星期四
2007年1月17日星期三
2007年1月16日星期二
花名--老積仔
"老積仔"--同一日俾5-6個人用呢個名叫天柏!!就係出去睇醫生果日!
上個星期天柏婆婆幫佢沖涼期間發現佢噴左舊綠色鼻屎出黎,担心佢唔知邊度唔舒服,所以帶左佢落元朗睇醫生,原本我諗住只係幫佢把個"平安脈",點知醫生話佢:
1. 左眼輕微發炎--原因係細菌感染
2. 左鼻孔輕微發炎--原因同上
3. 氣管因為鼻孔發炎,所以有D痰
4. 小便位可能清潔得唔太好,所以有白點,即係有小小發炎
5. PAT PAT有紅......
結果醫生俾左3隻藥膏,1支洗小便位嘅藥水,1支化痰藥水我地!
初為人母,好快會問一個問題:係咪自己照顧得佢唔好,所以攪到佢度度都發炎???
醫生嘅答案係:個世界度度都有細菌,防唔到架喎!
不過唔發都發左,唯有乖乖地跟足醫生指示,按時食藥同搽藥膏啦!!
有個特別嘅發現,唔知係醫生開嘅藥水真係好好味,定係天柏未識分辨"苦"呢?佢好鬼鐘意食藥水架!!如果大個左都咁合作就好lu......實在都幾難!!
究竟老積嘅程度去到邊?有人話佢似8個月大,有人話佢似1歲嘅BB!!但其實佢只係得7個禮拜咋!
上個星期天柏婆婆幫佢沖涼期間發現佢噴左舊綠色鼻屎出黎,担心佢唔知邊度唔舒服,所以帶左佢落元朗睇醫生,原本我諗住只係幫佢把個"平安脈",點知醫生話佢:
1. 左眼輕微發炎--原因係細菌感染
2. 左鼻孔輕微發炎--原因同上
3. 氣管因為鼻孔發炎,所以有D痰
4. 小便位可能清潔得唔太好,所以有白點,即係有小小發炎
5. PAT PAT有紅......
結果醫生俾左3隻藥膏,1支洗小便位嘅藥水,1支化痰藥水我地!
初為人母,好快會問一個問題:係咪自己照顧得佢唔好,所以攪到佢度度都發炎???
醫生嘅答案係:個世界度度都有細菌,防唔到架喎!
不過唔發都發左,唯有乖乖地跟足醫生指示,按時食藥同搽藥膏啦!!
有個特別嘅發現,唔知係醫生開嘅藥水真係好好味,定係天柏未識分辨"苦"呢?佢好鬼鐘意食藥水架!!如果大個左都咁合作就好lu......實在都幾難!!
究竟老積嘅程度去到邊?有人話佢似8個月大,有人話佢似1歲嘅BB!!但其實佢只係得7個禮拜咋!
2007年1月4日星期四
2007年1月3日星期三
冰奶真係好"蘇"架!!
今日原本打算去盧醫生處覆診,但打電話去攞籌,哈!從未試過攞咁後呀,19號呀!!睇怕都唔會早,所以都係唔去,改去健康院做產後檢查算囉!
因為先前預左要族長1人大戰bb,所以琴日就將早前儲落嘅冰奶放落雪櫃,到晏就檢查吓佢溶嘅程度...嘩!!仲係硬實實架,即刻call nikita問吓可以點攪!!謝謝你嘅回覆呀,到天柏要飲嘅時候,包奶已經有少少變沙冰嘅感覺,之後我再用48度水助佢一陣,就攪掂左!!
由於我冇去到盧醫生度,所以我睇住族長餵天柏飲冰奶......佢飲嘅時候個樣唔係好喜歡咁!不過都肯飲晒.我之後聞吓D味......同即刻泵出黎嘅好唔同,好......"蘇"!!!
其實我一直都未敢自己試吓人奶係咩野未!有冇媽咪試過呢??又有冇媽咪試過冰奶係咩野味呢!!有嘅話,話我知吖!!
天柏好鐘意坐車車落街,佢會一出門口就瞓著覺,今日都係,3PM族長推佢落樓,未入電梯佢已經瞓左,出奇地一瞓就瞓到7:30PM,咁耐都未試過!
可能佢有成5個鐘未食過奶,所以我竟然可以一次過泵到6安奶呀!!開心到爆!要keep住呀,要堅持全人奶餵佢餵到6個月!
因為先前預左要族長1人大戰bb,所以琴日就將早前儲落嘅冰奶放落雪櫃,到晏就檢查吓佢溶嘅程度...嘩!!仲係硬實實架,即刻call nikita問吓可以點攪!!謝謝你嘅回覆呀,到天柏要飲嘅時候,包奶已經有少少變沙冰嘅感覺,之後我再用48度水助佢一陣,就攪掂左!!
由於我冇去到盧醫生度,所以我睇住族長餵天柏飲冰奶......佢飲嘅時候個樣唔係好喜歡咁!不過都肯飲晒.我之後聞吓D味......同即刻泵出黎嘅好唔同,好......"蘇"!!!
其實我一直都未敢自己試吓人奶係咩野未!有冇媽咪試過呢??又有冇媽咪試過冰奶係咩野味呢!!有嘅話,話我知吖!!
天柏好鐘意坐車車落街,佢會一出門口就瞓著覺,今日都係,3PM族長推佢落樓,未入電梯佢已經瞓左,出奇地一瞓就瞓到7:30PM,咁耐都未試過!
可能佢有成5個鐘未食過奶,所以我竟然可以一次過泵到6安奶呀!!開心到爆!要keep住呀,要堅持全人奶餵佢餵到6個月!
2007年1月2日星期二
飽唔飽?!太緊張啊!!!
最近正開始學泵奶,為1月尾復工後亞仔有奶飲作好準備,但唔知係咪因為咁,定係亞仔正處於"猛長期",佢好似食極都唔飽咁,啱啱食完,半個鐘之後又會喊要食奶!
積極去睇番D餵奶資料,大部份都話一個道理:FEED ON DEMAND
如果BB覺得唔飽,你就餵得密D,咁你個身體就會製造更多奶去滿足你個BB嘅需要!
道理我好明白,所以繼續堅持每日泵奶兩次,慢慢儲奶,如果見天柏唔飽,我就餵佢密D,而泵出黎嘅奶我就唔會即刻補俾佢--除非族長放假,我先會俾天柏用奶樽飲奶!
但總係有個心魔存在:我會唔會突然間跌奶量?
天柏啜嘅時候,會唔會冇奶出呢
如果我冇奶俾佢飲,會唔會影響佢嘅發育呢?
同時,佢5個禮拜大時,我同族長發現佢開始識扭抱,好有意識果種,所以我地依家會等佢喊5-10分鐘先抱佢,有時我做緊第二樣野時,佢肚餓喊,到我10分鐘返去揾佢時,佢竟然瞓左......
咁佢其實係肚餓,定係眼瞓呢??我叫唔叫醒佢食奶好呢??
族長通常都會答我:"佢肚餓會再叫你架啦,你使咩野咁緊張呀!!
另一個我成日問族長嘅問題係:俾佢喊咁耐,又唔應佢,會唔會攪到佢冇安全感架!!
族長:"............................扭計同安全感有咩野關係呀!!!!!!!"
我...係咪太緊張呢!!!
積極去睇番D餵奶資料,大部份都話一個道理:FEED ON DEMAND
如果BB覺得唔飽,你就餵得密D,咁你個身體就會製造更多奶去滿足你個BB嘅需要!
道理我好明白,所以繼續堅持每日泵奶兩次,慢慢儲奶,如果見天柏唔飽,我就餵佢密D,而泵出黎嘅奶我就唔會即刻補俾佢--除非族長放假,我先會俾天柏用奶樽飲奶!
但總係有個心魔存在:我會唔會突然間跌奶量?
天柏啜嘅時候,會唔會冇奶出呢
如果我冇奶俾佢飲,會唔會影響佢嘅發育呢?
同時,佢5個禮拜大時,我同族長發現佢開始識扭抱,好有意識果種,所以我地依家會等佢喊5-10分鐘先抱佢,有時我做緊第二樣野時,佢肚餓喊,到我10分鐘返去揾佢時,佢竟然瞓左......
咁佢其實係肚餓,定係眼瞓呢??我叫唔叫醒佢食奶好呢??
族長通常都會答我:"佢肚餓會再叫你架啦,你使咩野咁緊張呀!!
另一個我成日問族長嘅問題係:俾佢喊咁耐,又唔應佢,會唔會攪到佢冇安全感架!!
族長:"............................扭計同安全感有咩野關係呀!!!!!!!"
我...係咪太緊張呢!!!
又話bb好鐘意沖涼嘅!!!
好多父母都話bb好鐘意沖涼,但我個仔由出世到依家都係咁驚!!最初,未落水已經喊定先,依家好D,洗頭已經唔怕,但沖涼就仍然都會捉實幫佢沖涼果個人件衫,又或者揸實隻手......唉!點教佢游水呀!!
2007年1月1日星期一
泵奶之疑惑
1. 每日可以泵幾多次呢?醫院話最多兩次!!驚泵得多bb會唔夠食!
2. 是否需要定時定候泵呢?泵多d會否刺激到多d奶量呢?
3. 我會唔會無端端跌奶量呢?(我覺得最近係)
4. 每日淨係泵到5安,幾時先會多d?
5. 係咪要keep住食易上奶嘅食物or湯水呢?飲鮮奶同豆漿有冇幫助架?
6. 一邊餵bb食,一邊泵另一邊,之後調轉,bb仲有冇奶可以食架?
7. 個人有壓力,會唔會影響奶量呢?
最後族長嘅意見係--唔好咁大壓力啦,如果真係冇,咪飲奶粉囉!!我都知,但我唔想喎!!
2. 是否需要定時定候泵呢?泵多d會否刺激到多d奶量呢?
3. 我會唔會無端端跌奶量呢?(我覺得最近係)
4. 每日淨係泵到5安,幾時先會多d?
5. 係咪要keep住食易上奶嘅食物or湯水呢?飲鮮奶同豆漿有冇幫助架?
6. 一邊餵bb食,一邊泵另一邊,之後調轉,bb仲有冇奶可以食架?
7. 個人有壓力,會唔會影響奶量呢?
最後族長嘅意見係--唔好咁大壓力啦,如果真係冇,咪飲奶粉囉!!我都知,但我唔想喎!!
充實的12日
12月21日
媽咪最後1日黎陪我坐月,我嘅蜜月期嘅最後1日......晚上與爸媽及老爺奶奶到樓下聯邦食飯慶祝天柏滿月大日子,咁就過左1個月,做左亞媽之後發現時間真係可以過得咁快!
12月22日
好心急等族長放工返黎同天柏沖涼,跟住要去華景同太嬤嬤做冬過節,全程由族長抱住天柏,佢話好辛苦喎,叫我25/12一定要用bb車推佢上,如果唔係就唔好去開x'mas party!!吓,推車上去好唔方便架,又要轉小巴,我一個人點攪呀!!
12月23日
獨處嘅日子又黎喇!!都唔太記得天柏個日乖唔乖喇!!
12月24日
天柏公公生日,舉家先去荷花大購物,買左架capella大霸王bb車,孭帶1條,吊床玩具1個,avent手泵連冰袋1set.
高高慶慶咁去公公屋企打邊爐,勁食一餐,最攪笑係未叫天柏同公公影相前,勁喊要人抱,到要佢同公公影砌旦糕相時,佢瞓左,事隔都不過係15分鐘!!小朋友真係估佢唔到!!
12月25日
因為趕住去太嬤嬤家開party,而我又聞到天柏個頭有d怪味,所以單拖咁幫佢沖涼,仲要係我第一次幫佢沖涼,本住"我係佢亞媽,又點會唔掂呢"嘅好勇諗法底下,完成左呢個使命!!之後都覺得自己好叻,但之後就被族長嚴重"勸喻"叫我唔好再有下一次!!
最後我都係選擇"驅車"去,當然又未至於單拖咁勇敢,呢次約埋天柏叔公叔婆一家一齊去,不過我地3個大人,就帶住兩個6歲,1個1歲半,同天柏一齊搭西鐵出去美孚再轉的士上去,真係大陣丈!!
對於1個只有1個月大嘅人仔黎講,開x'mas party根本冇意義,佢都只係俾人傳黎傳去,抱黎抱去!!其實只係d大人想抱bb啫!!其實帶住咁細個人仔去街,都真係幾辛苦架,好在族長放工即刻出黎幫手!!!
12月26日
天柏叔叔嬸嬸啱啱去完馬爾代夫度蜜月返黎,襯住仲係假期,就帶佢去吓新婚夫婦嘅新居,順便踩吓張主人床,等天柏快d有個"細佬"都好!!咁又玩左半日喇!
跟住嘅日子,除左27號同31號係族長放假,可以幫吓手支援吓外,我同佢簡直係"困獸鬥",遇啱佢黎第二個猛長期...我其實都唔知佢過左未!!
每日除左夜晚佢係可以瞓得長d外,基本上日頭都係冇瞓,而且不停喊,抱又唔係,行又唔係,食又唔係,食完又喊,又瞓埋晒d失魂覺,仲知我就不顧儀容地隨時候命,基本上冇做過屋企任何野,連寫張交保費嘅支票都冇時間,有時諗,怪唔之得d男人(講以前個d)會o係個老婆生完bb之後去滾,屋企個女人咁烏where!!!!
咁啱,我又開始想學泵奶同想儲奶,但佢又好似食唔飽咁,頓時前幾日情緒好低落!!
2007年1月1日
今日,情況好少少喇,半夜泵到4安奶,今朝唔敢泵,因為驚佢唔夠,早上佢食左兩餐之後,我推左佢落海旁行,晒吓太陽之餘,亦俾佢o係架車度搖搖吓好瞓d!返到屋企食多一次奶後,瞓到依家!!我先有時間寫吓野!
真係好佩服我亞媽個時,點樣可以1個人揍住初出世嘅細佬,又帶我返學,又買餸煮飯執屋......而我,淨係講照顧天柏,已經一頭煙喇!!!
媽咪最後1日黎陪我坐月,我嘅蜜月期嘅最後1日......晚上與爸媽及老爺奶奶到樓下聯邦食飯慶祝天柏滿月大日子,咁就過左1個月,做左亞媽之後發現時間真係可以過得咁快!
12月22日
好心急等族長放工返黎同天柏沖涼,跟住要去華景同太嬤嬤做冬過節,全程由族長抱住天柏,佢話好辛苦喎,叫我25/12一定要用bb車推佢上,如果唔係就唔好去開x'mas party!!吓,推車上去好唔方便架,又要轉小巴,我一個人點攪呀!!
12月23日
獨處嘅日子又黎喇!!都唔太記得天柏個日乖唔乖喇!!
12月24日
天柏公公生日,舉家先去荷花大購物,買左架capella大霸王bb車,孭帶1條,吊床玩具1個,avent手泵連冰袋1set.
高高慶慶咁去公公屋企打邊爐,勁食一餐,最攪笑係未叫天柏同公公影相前,勁喊要人抱,到要佢同公公影砌旦糕相時,佢瞓左,事隔都不過係15分鐘!!小朋友真係估佢唔到!!
12月25日
因為趕住去太嬤嬤家開party,而我又聞到天柏個頭有d怪味,所以單拖咁幫佢沖涼,仲要係我第一次幫佢沖涼,本住"我係佢亞媽,又點會唔掂呢"嘅好勇諗法底下,完成左呢個使命!!之後都覺得自己好叻,但之後就被族長嚴重"勸喻"叫我唔好再有下一次!!
最後我都係選擇"驅車"去,當然又未至於單拖咁勇敢,呢次約埋天柏叔公叔婆一家一齊去,不過我地3個大人,就帶住兩個6歲,1個1歲半,同天柏一齊搭西鐵出去美孚再轉的士上去,真係大陣丈!!
對於1個只有1個月大嘅人仔黎講,開x'mas party根本冇意義,佢都只係俾人傳黎傳去,抱黎抱去!!其實只係d大人想抱bb啫!!其實帶住咁細個人仔去街,都真係幾辛苦架,好在族長放工即刻出黎幫手!!!
12月26日
天柏叔叔嬸嬸啱啱去完馬爾代夫度蜜月返黎,襯住仲係假期,就帶佢去吓新婚夫婦嘅新居,順便踩吓張主人床,等天柏快d有個"細佬"都好!!咁又玩左半日喇!
跟住嘅日子,除左27號同31號係族長放假,可以幫吓手支援吓外,我同佢簡直係"困獸鬥",遇啱佢黎第二個猛長期...我其實都唔知佢過左未!!
每日除左夜晚佢係可以瞓得長d外,基本上日頭都係冇瞓,而且不停喊,抱又唔係,行又唔係,食又唔係,食完又喊,又瞓埋晒d失魂覺,仲知我就不顧儀容地隨時候命,基本上冇做過屋企任何野,連寫張交保費嘅支票都冇時間,有時諗,怪唔之得d男人(講以前個d)會o係個老婆生完bb之後去滾,屋企個女人咁烏where!!!!
咁啱,我又開始想學泵奶同想儲奶,但佢又好似食唔飽咁,頓時前幾日情緒好低落!!
2007年1月1日
今日,情況好少少喇,半夜泵到4安奶,今朝唔敢泵,因為驚佢唔夠,早上佢食左兩餐之後,我推左佢落海旁行,晒吓太陽之餘,亦俾佢o係架車度搖搖吓好瞓d!返到屋企食多一次奶後,瞓到依家!!我先有時間寫吓野!
真係好佩服我亞媽個時,點樣可以1個人揍住初出世嘅細佬,又帶我返學,又買餸煮飯執屋......而我,淨係講照顧天柏,已經一頭煙喇!!!
訂閱：
文章 (Atom)