掛泵

隨著這數天因工作而未能在午餐後泵奶,接下來,人開始有墜性,覺得:

"都13個月喇!已經好叻,超額完成!"

"中午冇泵,留番夜晚臨瞓先埋身食,亞仔好似食得多d喎!"

"唔使帶咁多架餐返工,真係好輕鬆!"

"其他奶媽都係咁尚下時間淨係早晚埋身食,都可以餵到16-17個月喎......"

俾左好多好多藉口自己,今日出門口,同老公講:"哎吔,今日冇帶到泵返工呀!我今日應該有時間可以泵架!"

老公:"算啦,你都泵左13個月喇,就算俾你每日泵到4安5安,又唔夠亞仔食,又要補少少奶粉,不如淨係見到你嘅時候先有得食啦!"

(老公心底裡:老婆,你都埋身餵左13個月喇,係時候俾番個機會我餵亞仔食奶奶啦,唔好再霸住個餵奶位喇!!)

hi,奶粉

老婆：『老公，唔該你o係個櫃度攞罐奶粉落黎吖』

老公：『做咩野無端端要攞奶粉呀』

老婆：『.................』

亞仔：『爸爸呀呀呀~~~』

老公：『吓，無媽咪奶食喇』

老婆：『係呀，個冰箱得番4包4安嘅冰奶咋，點夠呢個大食仔食呀』

亞仔：『啪啪啪~~~』(我想大概意思係：係呀係呀，成日都食到到喉唔到肺咁。)

久咳+冇奶

久咳未癒,尤其晚上,喉嚨總是癢癢的,但不想看大夫啊,只怕服藥後令已經產少的我變得更缺貨,奶庫...只餘下4包奶咋!!還有每包都不過是4-5安,亞仔食完還哭著,婆婆認為開多一包會浪費,所以堅持只食一包,婆婆又表示亞仔已經可以食雜糧,不夠可以食其他代替,例如麵包,所以又冇開多包冰奶,又冇補奶粉!!其實得唔得架!!