隨著這數天因工作而未能在午餐後泵奶,接下來,人開始有墜性,覺得:
"都13個月喇!已經好叻,超額完成!"
"中午冇泵,留番夜晚臨瞓先埋身食,亞仔好似食得多d喎!"
"唔使帶咁多架餐返工,真係好輕鬆!"
"其他奶媽都係咁尚下時間淨係早晚埋身食,都可以餵到16-17個月喎......"
俾左好多好多藉口自己,今日出門口,同老公講:"哎吔,今日冇帶到泵返工呀!我今日應該有時間可以泵架!"
老公:"算啦,你都泵左13個月喇,就算俾你每日泵到4安5安,又唔夠亞仔食,又要補少少奶粉,不如淨係見到你嘅時候先有得食啦!"
(老公心底裡:老婆,你都埋身餵左13個月喇,係時候俾番個機會我餵亞仔食奶奶啦,唔好再霸住個餵奶位喇!!)