奶媽自開始製作"甜品"後,一直隨遇而安,未有再刻意改變,但心底裡仍是希望--如果可以好似以前咁就好喇!
昨晚行經嬰兒用品店,見到mother's milk herb tea,心想:不如盡最後努力,一試吧!
胆粗粗的買回家,今早沖了一個來喝~
未喝已經想棄掉...好難聞啊!
午餐後,已作決定...棄掉它!!
************************************
天天已是第二晚沒有要求飲夜奶了,我...沒為他做過什麼!
第一晚,我估因為日間睡得實在太少,以至晚上他要睡個夠本,所以半夜冇起床.
第二晚...我也不知為何!總知就是冇起床!
如果一直是這樣就好了!
*************************************
早前朗媽教路,幫天天戒夜奶,用6安水開4安奶,慢慢溝淡佢,到最後可以俾水佢飲,我又試一試啦!
3am,天天醒了,開口說"奶奶",老公隨即按指示,開了那"6安奶"來,天天飲了兩啖後,唔肯再飲!之後揭起我件衫,再說"奶奶"!
點知...半夜三更係冇甜品供應架,佢又好唔開心,嚎哭一會!終於,在那"6安奶"中加回1安奶粉,佢就好開心地飲完瞓覺,激死!