相遇...相擁！

但願永遠也能和你...擁在一起！

嬸嬸畢業喇

嬸嬸畢業喇，恭喜嬸嬸賀喜嬸嬸！

這是『豬』的印記。

叔叔嬸嬸與豬仔與熊仔。

18年後，願頭上能戴上此努力的成果。

發爛

每日回家前，天天總會問公公：

『公公，入蚊蚊呀！』

『要幾多個蚊蚊呀？』

『担個！』(雖然口話3個，其實係話要兩個至真)

***********************

『天天，爸爸話唔可以將D蚊蚊放入口呀，咁我收左佢喇，今日冇得玩！』

嚎哭嚎哭嚎哭扮哭扮哭扮哭......

『要呀要呀入蚊蚊呀！』開始發脾氣發狂發爛咁拉架BB車上的安全帶......

『媽咪，俾唔俾多次機會佢呀！』

！！！！！！

『如果你問我的話，我就唔會俾囉！』

魔介

明珠台--魔介二部曲，播放中！

天天，用耳，聽電視，有怪聲！

『媽咪，(正向我飛奔過來)，好驚呀！』

二人大笑......

******************

老公到廚房洗杯，天天見爸爸行開左，行到電視前將之關掉！

『唔使驚喇！』

！！！細路，你係咪路呀！！！

1122兩歲西式燒烤生日大派對！

帶埋車車落去玩！叔叔，黎同我玩啦！

勁走勁走勁走！

有幸誠邀豬族美女廚師主理，thx！

全場食品酒水蛋糕用具由爸爸一手包辦，正！

天天，生日快樂，要身體健康，

開開心心呀！

我地會繼續帶住你不停...

食玩食玩同食玩架！

你食緊咩野呀

媽咪：『天天，你個口含住D咩野呀？』

天天：『口水呀！』

媽咪：『你做咩野含住D口水呀？』

天天：『食呀！！！』

媽咪：『你好肚餓咩？！口水都食！』

尋找田園美食

前陣子，藍mama推介小小農場，為食的我倆也帶住天天，尋找這個如此近我們家的食店。

按網民所示，到達錦上路西鐵站坐 72 小巴直達總站--雷公田下車，沿小路河邊步行約10數分鐘就到，到訪當日好彩行快幾步，叫了餐旦麵後竟有一車本地一天遊旅客衝入來，攪到餵羊區好迫呀！

1122兩歲西式燒烤生日大派對--籌備工作正式展開

金光之旅後，爸爸媽媽開始著手籌備1122的天天兩歲西式燒烤生日大派對喇，這個假期好忙呀！

下午seiko姨姨來電話22號會o係澳門工作，黎唔到呀，唔緊要啦，29號再食過啦！

金光之旅

回鄉後小休一天，繼續展開金光之旅...

天天話：爸爸媽媽放假，打亂晒我d生活流程，一味要出街玩玩玩，佢地仲忙過返工呀！

媽咪話：係呀，唔係放假放黎做咩野呀！

公公舅父爸爸好『賭場』，婆婆媽咪天天好『為食』，所以兩日旅程各分一半，賭場到過3間，為食的不能盡錄，海灣葡餐 誠昌水蟹粥 官也街小吃 三戔燈旦茶亞伯 麥記芥末魚柳包 兆記豬什粥 紅街市後咖啡奶茶豬扒包 祥記蝦子麵炸鯪魚球爽脆魚皮 添發碗仔翅豬腳薑 保健薑撞奶雙皮奶杏汁鮮奶糊 再掃去牌坊期間的不停試食台灣胡椒餅 潘榮記咸旦金錢餅 蜜芽糖夾餅......呵呵！

上述的一項，去到但冇開--三戔燈旦茶亞伯！據對面鋪的蔗汁亞姐講，亞伯係不定期開鋪的，最近好耐冇開，唔知係咪年紀大喇！去到就只有見到那架好舊的旦茶車綁住o係條燈柱度，所以先出現左麥記！

計劃中想去的坤記--週二休息，所以先轉戰海灣咋！六記粥麵、洪馨椰子、頤德行、杏香園等等一眾朋友，我們唯有下次再遇喇！

景點方面，因為要遷就賭場的團友，所以唯有cut左過路環同黑沙海灘的行程了！

酒店方面，有為12 歲以下的客人免費加床，就咁，一房兩雙人床一單人床剛好放入5大人1細路，good！！

回鄉之旅

天天第一次回鄉探親 暨 我倆第一次帶埋孩子回鄉探親 暨 豬旅結婚兩週年紀念旅行，經已順利進行！！

先到深圳灣口岸集合，我地都係第一次黎咋！

跟住我地就跟住叔叔，一行7人連大連細的走到叔叔預先安排好的7人ven上，不需3小時，我地就輕輕鬆鬆舒舒服服咁返到順德市均安鎮，老爺奶奶家喇！

執了一會行李後，出發...行幾步，到七叔公家晚飯，飯後大人小孩各自精彩，大人呢...煲煙吹水國家大事天下事，孩子呢...走到大花園玩車車你追我逐。

第二日繼續優閒自在地享受假期天倫之樂，飲茶到噴水池到露台...又繼續坐在梳化食食食，汽水薯片朱古力雪糕杯麵一眾親戚好友齊集，呵呵呵！

回鄉當然不能不到均安大橋一走啊！上次我倆到來時，還未結婚啊！

第三日下午，與各親友道別後，到順德市走走，掃街癮又發作了，薑汁撞奶雙皮奶烚粟米羊肉串蔗汁炸脆奶...統統放入肚內，好充實的一個下午！

晚上重頭戲，是叔叔嬸嬸結婚兩週年紀念慶祝晚會，到訪海岸城的中森名菜勁食魚生日本菜，亦係第一次品嘗到馬肉剌生的味道...

好開心地渡過了3日旅程！

舊同學的分享

舊同學來電，分享喜悅。

『有人提名我參選優秀社工呀！』

這機遇讓我們二人都反思，都得著！

提名舊同學的朋友，對她表示，

『因為在我低潮時，妳鼓勵我，使我再次有動力！』

舊同學抱著『用心聆聽，真心看待』，

使提名人振作起來！

為社工者，『用心』是所有方法的根源，

若當作『事工』看待，一切都白費！

出自真心真誠的分享，可以為他人帶來無限的祝福，

獎項已是其次，舊同學和我反而更珍惜他人的得著。

爸爸

為了22號的party,老公帶著疲累身軀,夢遊般...到會所排頭位.

為了那燒烤爐,老公還急call死黨一名,陪他排頭位.

不少認識我倆的朋友,都會對我說：『你老公有仔萬事足呀！』

不錯,他,可以為了他,放下身段,放下尊嚴.

同時亦可以為了他,放棄身材,與他一同吃『香蕉船』！

**************************

他,可有想過,去了一會波波池,睡個午覺,再到荃灣走走,之後得到102.8呢！

他,原本打算回公司處理一點事務,

見他事出突然,隨即改變安排,第一個便跑到梁醫生處.

『開始作感冒喎,開點藥俾你啦！』

以為一切都會穩定下來,誰知下午收到婆婆來電,

『103度幾喎,未夠104,塞pat pat啦！』

好,好,好！快d退燒好！

臨放工時,婆婆又再來電,

『唔係好退燒喎！』

他,隨即表示『同佢睇多次梁醫生啦！』

飛的士與他會合,取了另一樽白色藥水,服後出了汗,

睡著了！

『爸爸，沖奶奶！』

他,溫柔地回應『依家去沖，你等我喎！』

爸爸,我們愛你！

瑞士表姐

『 媽咪，表姐呢？』

『表姐返左瑞士喇！』

**********************

『媽咪，表姐呢？』

『表姐返左瑞士喇！』

**********************

『媽咪，表姐呢？』

~世界也許假的，聲音是真的......~

『天天，快D睇吓電視啦，表姐咪住o係呢度囉！』

『媽咪，牛呀！』

『！！！！！！！！！！！！！』

PS：與表姐的照片拍攝於今年國慶煙花匯演之地，表姐翌日便走了！