2009年2月22日星期日

營養

在遊戲室與小朋友玩,被問到:

『你個仔幾大個呀?』

『兩歲多d啦!』

(通常都好少講得好清楚--兩歲三個月...)

『咁佢好高喎。』

與她那三歲兒子相比,天天的確係高,因為仲高了成吋。

回家,拿來輕尺。

『天天,企埋黎度吓你有幾高。』

94cm。

拿出健康院的兒童健康紀錄--身高那頁,才知他的高度是最高那條生長線。

懷著弟弟比天天辛苦,奶奶說第二胎是會辛苦些,我雖然能吃,但吃後胃裡總是滿有胃氣,胃酸更是多得不能再多,總有頂住頂住的感覺,而且對『飯』總是提不起勁,但對一眾零食、汽水、M記等食物特別喜愛。

若果天天之所以會咁大隻,係因為我懷著他時所給予的營養好,那我現在便担心弟弟了。

名次

昨日,學校派發成績表。

和老公在街上,看見一位母親與兒子,母親大聲地對兒子說:

『我唔該你下次考試,要考到10名以內呀,如果唔係,你唔使.......』

(聽得不太清楚其母話唔使咩野!)

我和老公行過了數步後,我便說:

『真係辛苦喇!』

老公竟有這個回應,引來大笑:

『如果我係佢個仔,我就會同亞媽講:』

『亞媽,唔該你每個月最少要搵10萬蚊返黎呀,如果唔係,你唔好返黎見我!』

~~~~~~~~~~~~~

老公,我同你立場一致。

『你唔好嘈啦』

今日,不知從那裡學會:

『你唔好嘈啦!』

是我,真的很嘈,迫使你要直接對我說。

還是只是一句無意思的說話呢。

尿片

『天天,痾左尿未呀,痾左就黎著片片喇,要瞓覺喇。』

『媽咪,攞多條俾弟弟吖。』

~~將條尿片放在我肚皮處~~

『媽咪,攞多條俾猴子吖。』

~~將尿片揭開如上圖,咁就叫著左。~~

『媽咪,攞多條俾福娃吖。』

~~動作同上~~

如是這,每晚臨睡前,要攞4條尿片出來,一條真係用的,其餘三條當玩具。

在職媽咪實在無閒在晚上實施戒片行動,唯有由他慢慢戒掉吧!

2009年2月21日星期六

心跳

終於,隔著肚皮,聽到你的心跳。

雖然有天天哥哥的經驗,但再次懷孕,心情仍是興奮。

多謝你,天天弟弟。

*********************

由於醫生應診中途去了執仔,最後10:50pm才離開診所,回到家已是11:30pm,答應天天哥哥我們一同回家,所以雖然很晚,但仍然到婆婆家,如他已入睡便抱他回家吧。

可是一開門,即聽到哭聲和急步聲,開燈見天天哥哥帶著紅紅雙眼撲到懷中。心裡有種說不出的難受,抱了一會才接受爸媽這麼晚才來接,和知道『回家喇』!

2009年2月17日星期二

12周的OSCAR

12周完成OSCAR檢查,報告為低風險。

照肚時,醫生笑笑口地問:『第幾胎呀?』

『已經有個仔喇!』

『咁知道呢個係仔定女未?』

『未知呀,已經睇到喇?』

『8-9成啦。你個BB反轉左喎,你去洗手間,轉頭再照多次啦!』

*************************

『老公,你想係仔定女呀?』

『冇所謂啦:)』

『嬤嬤婆婆想係女喎,天天又成日話想要妹妹!』

『不過我覺得係仔!』

『老公,我都覺得係呀!』

~~~~(大笑)~~~~

*************************

醫生:『今次個位好好多喇!你地想係仔定女呀?』

老公:『有所謂啦,不過屋企嘅老人家就想係女囉!』

『咁要等下次喇,呢個係仔喎!』

**************************

回家後,

『天天,原來媽咪肚DUM入面嘅係弟弟呀!』

『妹妹呢?』

『唔係妹妹喎!』

~~(笑笑口)~~『係妹妹呀!』

『哎呀,唔會有妹妹喇,再生都會係仔架,你老豆果條線生仔多架,再追又係仔咁點算呀!』

~~~(天天已經行左去玩車)~~~

『叫弟弟同你一齊玩車好唔好?』

『好!打網球吖!(意思係羽毛球)』

2009年2月15日星期日

情人節翌日的精彩家庭樂




情人節,我們享受與家人在一起的時刻,縱然老公要返P,但亦享受,享受著我們心在一起,彼此關愛對方。
送給家人和老公的情人節禮物,除了和他們一起晚餐,享受平靜而溫馨的家庭樂,我還送上葉問,戲種是老豆同老公都喜歡的功夫片。OK啦:)
情人節慶祝活動,安排在15/2/09星期天進行,得到叔叔嬸嬸應約要在早上集合,對他們來說簡直係奇蹟,又正好反映他們亦重視今次的約會!
又是老公精緻預備美味食物,讓我們都在星期天享受大自然氣息與家庭樂的喜樂,老公,又要多謝你喇!

2009年2月4日星期三

31/1/09河貝行到雷公田




從雷公田走到農場鮮奶,每次都是食完就走。今次從另一邊--河貝開始行,實是一條很好行的郊遊徑,因為沿路冇梯級,帶住BB車就算BB唔坐,推吓推吓都好快到!沿路看到元朗平原,公公道『你睇元朗仲有幾多地方可以起樓!』俾你收到D地就係囉!
小朋友去到郊外,做盡平時在家一切『唔得』的東西!仲又婆婆教路,如何攀如何爬樣樣都可以!唯一仍要乖乖遵守的,是要保持環境清潔乾淨!
還以為農場冇開,好彩行到去都有餐旦麵食,老闆仲新出左自家製雪糕同瘦身麵添!

28/1/09大棠行大運











大年初三,無事做就緊係去行大運啦!『天天,今日去行山呀,自己行好唔好呀?』『好!』別輕信兩歲小朋友的說話!全程就只願行三分一,其他的『爸爸抱 !』
老公,係一個偉大的老公!『老婆,俾個袋我孭呀!老婆,你唔好抱個仔呀!老婆,俾埋你件衫呀啦!』就係咁,仲慘過返工的日子黎到老公身上喇!
老公埋怨道:『係邊個話要新春行大運架,係邊個話要行山架,點解唔揀條冇樓梯嘅路黎行呀,點解唔帶車呀...』
『帶車都冇用喎,咁多樓級都推唔到啦!』
當見你爬上松樹擲松果,個肚腩震吓震吓,又差d爬唔到上去,當見你孭住我地三個人嘅野,仲要抱住個肥仔,每行一級都見你大腿震吓震吓...我真是很愛你!
註:圖一為年廿八行花市!與此文冇關的!

17/1/09城門水塘小遊

天天,待小巴開了不久,便睡著了!落車後,應公公的指示:『行上樓梯之後就見到個水塘喇!』,老公就渾身是勁地抬起呢個有成35磅同時瞓到隻豬嘅小朋友,行成10幾級樓梯咁上到...行水塘的起點!




之但係行到咁尚吓,見山路唔太對勁,而隻豬仍然熟睡,一行人都十分同意...唔再行水塘喇,不如行另外一邊斜路算啦!老公係最開心的一個!


行到公廁,天天已經醒左,見到馬騮好新奇,因為第一次見呀!


臨走,有架工程車行過,之後d馬騮就四方八面咁飛出黎原來係佢地將食剩嘅野俾佢地,只見不同方向都有馬騮走出黎,好壯觀之餘...其實都幾驚呀!

2009年2月2日星期一

14/1/09農場遊記


出門前,讓天天閱覽相關資料,一路上,他將活動掛在咀邊:去摘草莓呀!一行人霸晒成個士多啤梨園,摘個不停!這是全家的第一次,$60磅婆婆也覺得抵呀!因為真係好甜!

回家見天天食得津津有味,肯吃東西的小朋友真可愛!

4/1/09同公公去南生圍

今日水退,仲以為隻橫水渡過唔到黎添!


好彩都過到對面,開始行喇!


有隻唐狗呀!你睇爸爸幾緊張咁抓實我件衫!


婆婆又有執左支神劍俾我玩喇!


唔該幫幫我吖!

小孩子,什麼也是玩具,什麼也可以玩一餐!

26/12/08遊公園

帶住kitty去公園,行草坪!

打鞦韆!


爸爸隻鞋飛左去個邊呀!


同kitty玩遙遙板呀!