2009年5月31日星期日

平台上



公公家的平台
不知何解
有平路偏唔去
辛辛苦苦
搬上搬落
抬上抬落
去踩那三輪車

遊樂場裡




公園裡
爬來爬去
擒來擒去
fing來fing去
最開心

運動場上




有得跑來跑去,最開心。

天天與朗朗舅父



端午節,到太嬤家食飯,同朗朗舅父玩,二人相差不足兩年,同是男孩子,都喜歡玩車。
天天好像朗朗舅父大的時候,弟弟也會像天天那樣大了。

2009年5月24日星期日

要買票?

西鑼站新增了小童度高公仔圖,叫天天埋去度吓,初時諗住『度吓仲差幾多先要買八達通啦』,一路都冇諗住佢嘅高度......

竟然係

作為一個傳統的香港人,呢幅相話俾我知,

『原來我個仔咁高喇!』

『我個仔仲未夠3歲,3歲先買八達通啦。』

*****************

PS:老公話,到箭咀就要買。

但我話,應該係到尺頂,同長頸鹿咁高先係喎。

23/5/09慶祝天天兩歲半節目第四炮--深圳灣





早在1個月前,約好連大連細連弟弟一行13人到西貢釣墨魚+遊船河,但天公不造美,昨日全日勁落雨之餘仲有強烈季候風訊號,問船家,他都話『出唔到喇!』。唯有改活動地點...
平食自助餐,家中老人家舉腳讚成,未夠鐘食喎,先到遊樂場玩玩先,大的去了射籃球,天天呢,有其他大人玩具可以玩吓坐吓,前幾個月都來過一次,天天對這地方並不陌生,仲知道『去深圳灣呀!』
************************
回程,過了深圳邊防,預備入香港境,我呢個大肚婆,突然被衛生檢疫人員截住......
心想:我體溫過高嗎?
『太太,你攞咩野証件入境呀?』
哎呀,原來我被誤會為到港產子的內地孕婦呀,瘀爆,仲被老公笑添!

2009年5月23日星期六

弟弟情況

踏入倒數100日。

婚介已穿不進。

舊鞋亦著不下。

每晚抬起雙腳來睡,至今抽筋1次,算係咁。

現時週數的體重,與懷著天天時的週數體重相約,今次飲食控制得較好。

但郤被醫生診斷:弟弟的SIZE同體重剛合格。

所謂剛合格,係超聲波所預計量度的週數,和現時胎兒週數相比,相差不大。

健康院人手摸肚,仲話弟弟大細比實際週數細1個星期添。

情況...畢竟令人有點擔心。

枱仔


22/5/09,天天兩歲半喇,老公買了私家枱仔俾天天,等佢唔使再o係地墊上畫公仔,天天踏入屋企,見到只有佢能坐下的椅子,好開心,跟住就問:『得一張嘅?』
係呀,砌多一張媽咪都應該坐唔落囉,等弟弟大個D,再砌埋另外一張,咁你地就可以一齊坐住玩喇。

2009年5月21日星期四

21/5/09慶祝天天兩歲半節目第三炮--雲泉仙館









『天天,去街喇,快D著鞋著襪啦。』
『去邊度呀?約左公公婆婆呀?』
『係呀,去攞鞋襪自己著啦。』
今日,係第一次見到天天自己著晒鞋襪,之後好神氣咁同我講:我著好喇!
今日雷暴同黃雨,所以選擇去食個午餐便回程,選了坪輋的雲泉仙館,知道佢地的白粥,芋頭魚,素春卷同腐皮卷好味,去到叫左個5餸套餐再另加一個餸,結果打包兩盒回家,因為碟碟餸都好大碟,同D粥真係好好味,領隊老公話自己食左超過10碗!
食完本想四圍行吓,但落傾盆大雨,待雨停了後個地好濕,只行了個圈便離開。
聽日來個中場小休,星期六再來『慶祝天天兩歲半節目第四炮』。

20/5/09慶祝天天兩歲半節目第二炮--大澳








川龍的餓蚊,弄得天天眼蓋腫了一大舊,急忙找梁醫生後,又開始第二炮節目,大澳。
屯門碼頭乘小輪到大澳,天天感覺新鮮,但因為坐上層關係,他可以不時伸頭往海望,不過如果太大浪,場面就會有點危險了。
因為上船前服了藥,所以到達大澳前,天天已經瞓著了,要領隊抱住37磅人仔行大澳,實是苦差,唯有幫襯大澳買條特色孭帶,減輕領隊的負擔。
大澳特色蝦醬蝦膏,到碼頭玩蟹仔,到少林一遊,總之跑來跑去,都是和天天一齊最開心的時間。
回程改搭巴士,見石壁水塘冇晒水咁濟,怪不得要多買東江水了。

2009年5月19日星期二

19/5/09慶祝天天兩歲半節目第一炮--川龍





慶祝天天兩歲半生日活動,今日正式展開。一連五日的慶祝活動,因受天雨影響,行程可能有改變,原定五日都是戶外活動,或許個別改為室內活動吧,但亦無疑大家的興緻。
活動第一天,領隊爸爸安排到川龍嘆茶,先黎一個大飽頂頂肚,之後向扶輪公園自然教育徑進發,初段梯級雖然多,但主角天天一點也沒欺場,全程自己行,一邊拿住樹枝當神劍,一邊就叫舅父等埋佢,事關舅父實在行太快喇!
領隊爸爸除了顧老顧細顧大肚婆外,仲要做埋人肉驅蚊機,嘩!搽晒蚊膏蚊油貼埋蚊貼都唔係好掂,搽漏左天天塊面,結果餓蚊乘虛而入,咬了其眼皮一口,回程時開始大細眼囉。
天氣雖然熱了點,但路程短兼有大樹好遮蔭,所以都算舒服,亦未有下雨,旅程輕鬆愉快,多謝領隊爸爸,期待明日的精彩活動。

2009年5月16日星期六

父子裝


要同爸爸一樣,著橙色衫。
要同爸爸一樣,著短褲。
要同爸爸一樣,著拖鞋。
要同爸爸一樣,yeah!

2009年5月15日星期五

肉緊你。



倆父子


看,他們是倆父子。

10/5/09蝴蝶灣慶婆婆生日






為慶婆婆生日,特別同婆婆到婆婆喜歡的戶外走走,可惜有煙霞,看不清對面的飛機升降,不過有天天陪伴,亦樂透。
似乎樂透的,還是天天。