2009年10月28日星期三

『邊個陪我玩呀?』

早上,

天天:『爸爸媽咪你(地)使唔使返工呀?』

爸爸:『要呀。』

天天:『咁邊個陪我玩呀~』

爸爸:『公公囉。』

天天:『公公都未黎。』

爸爸:『公公7點半黎嘛。』

天天...安落晒。

2009年10月26日星期一

天天登高去

天天:『去邊呀?』


天天:『係咪前面個度呀?』


天天:『點解D野食仲未黎嘅?』


天天:『婆婆,騎牛牛點玩架?』



天天:『我都得喇!』

重陽節去登高

重陽節,緊係去登高,有野食就最好啦,這是個滿足到各個願望的假日好去處。


弟弟不夠3個月,已經到郊外遊玩,做亞細嘅真係醒D。好彩冇俾毒蚊針到咋。


天天一知道去『有羊餵個度』,即刻打俾婆婆喇。


飲飽食醉後,弟弟又再次小睡了,行山路特別好瞓啊!


又有戶外遊戲玩喇,當然有『玩伴公公』伴隨左右啦!

2009年10月25日星期日

假期生活



連續返了六日工,今日終於來到生活的主菜,全天候與他們在一起,全天候的陪玩陪食陪瞓,全日埋身勁餵勁抱勁攬住隻15磅豬仔,和聲控著那就快3歲的馬騮,放假捨不得躺在床上自行找周公,只想無時無刻望著你們,四個人在一起便滿足了。
PS:放假另一重要工作,便是拿著相機不停拍拍拍。

2009年10月18日星期日

生活,就是你們

扁咀...因為哥哥大嗌,嘈住佢喎!


喊完,冇事喇!


同哥哥一樣,3個月都未夠,個樣就咁老積!弟弟眼仔冇咁圓囉!
(上圖係弟弟,下圖係哥哥)


兩個傻更更咁!

2009年10月6日星期二

踩單車

每日放學後的指定活動,到平台踩單車,已經踩得很快囉。

兩個月=剛滿月?!

兩個月零五日,到健康院磅豬豬,有5.86kg的驕人成績,我為你而感到欣慰。

護士姑娘告知,因為上天造人的奇妙,提早到來的你,會自己調整需要,所以雖然你已有兩個月大,但食奶仍像一個剛滿月BB一樣,食得好密,每1-2小時食一次,來『追回』足月BB的進度。

護士姑娘亦提到,這個情況,可能維持至你4-5個月大,叫我有充足心理準備來迎接。

下週四便復工,現在所做的準備,便是開始不睡午覺...

**************

昨日注射了肺鏈+五合一+輪狀,爸爸看著你的豬脾被長長的針刺入...和你一同痛哭,痛叫,好像自己也有份一同打針般,男人...是不能『生仔』的!

注射後你份外疲倦,半夜亦出現微燒,放心,媽咪會一直陪伴你左右,好好享受24小時與你一起的假期。

2009年10月1日星期四

兄弟的睡前對話--作者--佢地亞娘

天天:『我話你知,我係你大佬,你要聽我話,知唔知道!』


弟弟:『嘩嘩嘩,媽咪呀,哥哥恐嚇我呀,大佬又點喎!!!』


天天:『弟弟,我講吓笑啫,唔使咁認真喎,你睇我笑起上黎個樣幾純良可愛,我又點捨得蝦你呢!!!』
弟弟:『好啦,我信你架,你唔好講大話喎,我地一於兩兄弟拍住上啦!』