EnjOy mY liFe TogEtheR witH my fAmiLy
2010年7月25日星期日
享受
夏天,雖然陽光猛烈,但放假總是覺得要往外走走,這樣,一起放假才來得像樣,彼此更能享受『在一起』的感覺。
要在炎夏活動中去除那『辛苦』的感覺,玩就要玩得涼爽一點,那就離不開『水』了。讓小孩在水中玩個痛快玩個夠,最好爸媽還是少一點干預,弄得整個人也濕透,大不了去換件衫吧。再者,在戶外隨便脫去鞋子,放任地跑,感覺也很好很特別呢。
另一個增添涼快感覺的元素,便要找『風』了,騎著單車,一家人方向相同,目標一致,向前踩啊踩,孩子有涼風之餘也有速度,也有快感,不錯的安排呢。
往戶外走,親近大自然,當然要有綠色,要有綠草。大孩子對大草皮表現興奮是意料中事,小孩子對大草皮的陌生及那不自在的表現,也是預期的,放胆嘗試吧,不論怎樣,爸媽哥哥也和你在一起。
看著你倆一天一天的長大,雖然有無比的興奮,但看見你倆對我的倚賴漸少時,不免會有點失落有點不捨。
享受與你們擁在一起的時刻,享受你睡覺前後都要我在旁陪伴的要求,享受你情願要我這奶瓶也不要配方奶粉和那塑膠奶瓶,享受放工開門被你倆看見而尖叫的聲音,享受你與我分享學校點滴的片刻,享受你每個古靈精怪的表情,享受現在四口子同床的時光,享受放假四人在一起四處去的感覺。
2010年7月25日,星期天@廸欣湖
2010年7月17日星期六
獨處
三男子
以相同的睡姿
享受週末輕鬆自在的下午
一女子
趁勢外出吃喝玩樂一番
享受獨處的寧靜
~呼~
2010年5月21日星期五
帶對馬騮四圍走-D7-機場
帶對馬騮四圍走-D7-機場,
當行有冷氣的商場,
大少一貫對行商場活動缺乏興趣,
丫環唯有繼續發掘小玩意予主子娛樂,
大少遇上這個要手眼協調的玩具後,
愛不惜手~~
並言重地告知丫環:唔使怕架,呢D水係飲得架!
2010年5月20日星期四
帶對馬騮四圍走~D6~出國喇~深圳灣海岸城
帶對馬騮四圍走~D6~出國喇~深圳灣海岸城。
哥哥話要同架跑車影相,哥哥話架車有尾翼,所以係跑車黎架。
弟弟就話要哥哥一齊同叔叔最鐘意嘅甲星影相喎,係呀,799呀!
弟弟第一次出國呀,YEAH!!
食飯喇,中森『明』菜,好舊嘅日本明星喎~~
2010年5月19日星期三
帶對馬騮四圍走~D5~走到清水灣
帶對馬騮四圍走~D5~走到清水灣
2010,下水禮。
熱身過後,各自玩船仔。
大少帶左九萬幾樣野黎玩~玩~大玩~特玩!
玩完一大輪之後,開始要玩小動物~
『爸爸,捉蟹仔啦,要幾隻喎!』
唔知點解又會俾老公捉到喎~
又玩完一大輪之後,
『爸爸,去游水啦。』
細少一於好少理,吹住海風瞓個靚覺先~
『噢,哥哥仲未玩完呀?』
2010年5月18日星期二
帶對馬騮四圍走~D4~山頂
帶對馬騮四圍走~D4~山頂,
『媽咪,呢個伯伯係咁個黎架,點解我同舅父要同佢影相嘅?』
『冇咩野點解架,佢企o係度咯,咁咪同佢影吓相囉,你睇你同佢影相,佢幾開心!』
纜車站呀~
纜車黎喇~
『哥哥,我第一次搭呢隻車呀。』
『弟弟,我都係呀,你睇吓D屋,
斜晒呀~~
』
『哥哥,今次輪到我同呢個唔識嘅叔叔影相喇~』
『哥哥,呢個我識呀,同我一齊影相吖。』
行山喇,山頂步行徑,好好行呀。
有地衣摸,有大石爬,仲有馬騮架玩添。
2010年5月17日星期一
帶對馬騮四圍走~D3~長洲
帶對馬騮四圍走~D3~長洲
一場黎到,弟弟,快D同包山影相留念啦,星期五呢度插針都插唔入呀!
弟弟,我真係好鬼鐘意你架。
哥哥,唔好咁啦,好鬼熱呀。
撞到飄色姐姐呀~
行到熱晒,要食香蕉船先掂呀~
仲到食埋冰鎮生果串添~
東灣~我黎啦。
較新的文章
較舊的文章
首頁
訂閱:
文章 (Atom)