天天台北自由行

@捷運

過馬路要遮住個鼻

@烏來
就到瀑布,有點雨
又要射波
打老鼠
夾到公仔@台北車站地下街

文化村的豬@北投
我又要拉行李唊@信義誠品店
@大安森林公園

16個月天天@台北

2006年元宵,同老公在台北慶狗年,之後懷有天天,生了個狗仔bb,至今個4月,帶埋天天同遊此地,感覺好特別,由原來兩口子變成三人行(不!正確一點係六人行),過了整整6日,好充實又好滿足!

出發前問了各方好友部落,知道帶子孩外遊,仿如搬家的大陣象,同老公決定"寧願帶多點都好過去到冇",所以都真係帶了很多物品!基本上,天天係最多行李!

原以為--唔怕啦,去台灣啫,好多野都啱天天食啦!誰知,小孩子咀鵰,不喜食濃味食物,早餐在酒店取來的菜,南瓜等,都不喜歡,只肯食稀粥,白飯+bb即食餸,另外亦飲多左一餐奶,為娘的見狀,肉都赤埋!

什麼鼎泰豐小籠包,談話頭的芋泥豬肉,上閣屋的自助餐...統統不要!最合作食的,只是柳丁汁,每日一口氣飲清!

日日見住天天都係食即食餸撈白飯/稀粥,曾有數次問老公:帶咁細個bb去旅行,其實係咪一件好事!

但見天天在第二日已好主動咁同酒店服務員講"謝謝","再見",搭車見到街外的"電單車",又可以好清楚咁講出黎,其實對我同佢都係一個新體驗喎!

一行6人,除了我們三口子,還有公公婆婆和舅父,幸好有他們同行,以致照角色可以分擔一下,遇上乘公車到烏來和野柳冇位坐時,都可以輪流抱吓!

講起烏來和野柳,可能在香港也不需要坐一些轉咁多彎的巴士,天天因為唔習慣,有點暈車浪,一上公車就同我講"落車車",同佢講好快到喇(大概都要坐30分鐘),期間繼續不停問之餘,仲要不停食住餅餅,先可以勉強安靜落黎!

經驗話我知,下次帶小孩外遊,行程要編輕鬆d,最好帶多幾款唔同種類嘅baby food去,就算唔肯食我地d飯餸,都唔使食來食去都係個幾隻味,我餵都餵到悶呀!旅遊點最好唔好太遠,最好搭鐵路,最好多兩個人一齊去......

乖孩子遇上痴線媽咪

天:媽咪,我地依家有咩野做呀???好悶喎...


媽:乖仔,你冇著鞋喎,不如...我地玩聞臭腳吖...你先你先,先黎右腳!!
天:(照指示做...)
媽:嘩,天天真係叻叻呀!!天天腳腳臭唔臭呀??
天:臭!
(請留意,在旁的爸爸也在努力參與喎,不過骨頭硬了,做唔到啊,都係天天勁D!)


媽:好喇好喇,到左腳喇...
天:(又係照指示做...)
媽:嘩,左腳都得喎,好叻呀!!!天天腳腳臭唔臭呀???
天:臭!!
爸:臭你又照做!!!!!!!

就係咁,一家過了星期日的一個下午,玩意係聞臭腳.

騎哩怪

媽咪,點解俾條咁嘅褲我著架?!


唉,算數啦,知你係咁怪異架喇!!搵野理好過!


我老豆做唔到我呢個動作:腳板掂地,pat pat離地!


疊到好高喇!


騎哩怪出場!其實係我婆婆嘅傑作!

復活節的玩樂透

復活節假期最後一日,公公同天天到公園玩耍.
一路上,天天見到雀雀,樹葉,汪汪狗,粵劇名伶,花花,水池,鞦韆...

最近教識他講"細路",好開心的一個細路啊!

婆婆童謠

"打大脾,唱山歌
人人話我冇老婆
的起心肝娶番個
有錢娶個嬌嬌女
冇錢娶個豆皮婆!"

呢隻"童謠",係天天婆婆所教嘅,亦係天天近日非常喜歡的"歌仔"!無論去廁所,食飯,甚至睡覺,都會叫我唱俾佢聽,每每到紅色字的地方,都會由天天唱出,哈,我反而唔記得細個時,媽咪有冇同我唱過喎!!

*******************

昨天放假,一家到銅鑼灣逛街,買了玩具俾天天之餘,亦為他買來第一對波鞋!

我同老公都係N字鞋的擁護者,早在天天未識行的時候,我地已經睇過,但見其鞋底比較硬,識行的BB好似啱一D,所以一直冇買,昨日,實在忍唔住手喇!

早前我同老公各買了一對新鞋,天天見到,即刻走埋黎--"新",之後再望吓自己對鞋,我地即刻話,好啦,睇啱天天嘅就買對新鞋啦!昨日買了,穿在腳上,小孩子滿足非常,不停"新"之餘,仲不時望吓我同老公對鞋!

********************

地鐵站是玩捉迷藏的好地方呀!

玩樂透

圖書館


周街行


在水池玩水


公園勁玩


謝晒!

15個月

15個月的天天,到了梁醫生處打肺炎鍊球菌加強劑,最後一針,開始識性的小朋友,知道咩野叫痛,針都未入肉就開始喊,呵,開始進入人生另一階段喇!有排你體驗呀--靚仔!!

護士姑娘唔知個日係咪好得閒,因為唔係我同天天去,所以唔知診所多唔多人,但以習例,畫健康院的生長曲線圖,通常私家診所都唔會做,但個日護士姑娘就做齊晒!

天天亦不負眾望,呢個眾都只係我,我,同我啫!!
頭圍,身高,同體重都秉承以往三級跳的表現,再下一成!!但小伙子已經冇可再跳喇,因為佢已經成了一個真真正正嘅大碼B!
頭圍明明在1個月時排75,15個月就排到90.
體重仲離譜,1個月時排25,15個月就排97!!
身高...哈,1個月時冇mark,總之依家就排90啦!

樣樣都咁大,睇怕都唔使減肥卦!!

******

原本打算5月中舉家外遊,所謂舉家,係邀請埋天天嘅公公婆婆舅父,一行5個大人一個細路咁去,可惜工作未能放人,好忙亂地與同事夾一夾,終放夾到個快期--4月初!

如果家人嘅証件攪得成,呢個將會係生第二個B前的一個旅行啊!

屯門徑--一截仔

約好老公,搵埋老爺,一齊行山去!

地點是老爺家後的山頭!

老公勇猛地背著26磅豬豬上山,行到一半已經面容扭曲!

老爺跟手接力,真辛苦,但為著讓小孩子喜愛大自然,老爺話要細細個就行山,咁樣就會愛上喎!

行到有天天喜愛的樓梯,小孩子即刻要落地,兩個大人就要彎晒腰地陪伴左右!我在後面看著也覺得有趣!!

可能因為搖搖吓好舒服,所以回程時天天已瞓著了!

下次放假,則約定了老公去海洋公園!

濕地公園

上週六,到了濕地公園,讓天天看看雀鳥,看看花草,小孩子在戶外,顯得雀躍,但不知為何,總是痴身的,想到橋上看,就叫"抱抱",之後聲控的叫你行到目的地,亞仔,你26磅啊,加上嚴寒下,抱住你真是手都軟!可否乖乖的落地行呢!

新年前剪了頭短髮,返到公司,被同事笑言:"做咩剪到個頭同個仔一樣呀?"

回家一看,呵,又真係幾似喎!

冇意整個母子裝,但不經意下,又幾好吖!

情人節快樂

由年卅到初七,每日都拜年,都幾疲倦!

聽得最多的,是--添丁發財,快d整番個鼠女啦,喂--弄瓦之喜啊!

有人問:係咪會生個鼠bb先!

在計劃裡...係唔會!因為已約定老公同個仔,天天一歲半時要舉家出國旅行,仲要最少去7日個種!!如果可以,大貪d去夠3次先啦!

14個半月的天天,識講好多疊字:
爸爸--音--爸巴
媽媽--音--嘩嘩
婆婆
公公--音--東東
舅父--音--吖池
爺爺--音--亞爺
嬤嬤
叔叔
嬸嬸
車車
狗仔--音--汪汪
雞雞--音--喔咕
波波
雀仔--音--雀雀
姐姐--音--姐啫
哥哥--音--墜多
益力多--音--多多
好立克--音--溺溺
麵包--音--包包
鞋仔--音--嗄嗄
腳仔--音--腳腳
打電話--音--喂
多謝
奶奶--音--i i
粥仔--音--mum mum
......不能一一盡錄!

至於夜奶...無源無故地,自己戒左!偶爾會喊一兩聲,但拍吓佢,又會再瞓過!

仍然維持臨瞓前埋身食,不過佢可能見"爸爸都可以俾奶奶我食喎!",而漸漸疏遠我了!所謂疏遠,只不過係又痴吓我又痴下老公咁啫,但對比以前勁痴我就有d唔同囉!

終於明白o係餵母乳期間,老公嘅心情!

各位部落媽媽--情人節快樂呀!

奶奶雜事

奶媽自開始製作"甜品"後,一直隨遇而安,未有再刻意改變,但心底裡仍是希望--如果可以好似以前咁就好喇!

昨晚行經嬰兒用品店,見到mother's milk herb tea,心想:不如盡最後努力,一試吧!

胆粗粗的買回家,今早沖了一個來喝~

未喝已經想棄掉...好難聞啊!

午餐後,已作決定...棄掉它!!

************************************

天天已是第二晚沒有要求飲夜奶了,我...沒為他做過什麼!

第一晚,我估因為日間睡得實在太少,以至晚上他要睡個夠本,所以半夜冇起床.

第二晚...我也不知為何!總知就是冇起床!

如果一直是這樣就好了!

*************************************

早前朗媽教路,幫天天戒夜奶,用6安水開4安奶,慢慢溝淡佢,到最後可以俾水佢飲,我又試一試啦!

3am,天天醒了,開口說"奶奶",老公隨即按指示,開了那"6安奶"來,天天飲了兩啖後,唔肯再飲!之後揭起我件衫,再說"奶奶"!

點知...半夜三更係冇甜品供應架,佢又好唔開心,嚎哭一會!終於,在那"6安奶"中加回1安奶粉,佢就好開心地飲完瞓覺,激死!