金光之旅

回鄉後小休一天，繼續展開金光之旅...

天天話：爸爸媽媽放假，打亂晒我d生活流程，一味要出街玩玩玩，佢地仲忙過返工呀！

媽咪話：係呀，唔係放假放黎做咩野呀！

公公舅父爸爸好『賭場』，婆婆媽咪天天好『為食』，所以兩日旅程各分一半，賭場到過3間，為食的不能盡錄，海灣葡餐 誠昌水蟹粥 官也街小吃 三戔燈旦茶亞伯 麥記芥末魚柳包 兆記豬什粥 紅街市後咖啡奶茶豬扒包 祥記蝦子麵炸鯪魚球爽脆魚皮 添發碗仔翅豬腳薑 保健薑撞奶雙皮奶杏汁鮮奶糊 再掃去牌坊期間的不停試食台灣胡椒餅 潘榮記咸旦金錢餅 蜜芽糖夾餅......呵呵！

上述的一項，去到但冇開--三戔燈旦茶亞伯！據對面鋪的蔗汁亞姐講，亞伯係不定期開鋪的，最近好耐冇開，唔知係咪年紀大喇！去到就只有見到那架好舊的旦茶車綁住o係條燈柱度，所以先出現左麥記！

計劃中想去的坤記--週二休息，所以先轉戰海灣咋！六記粥麵、洪馨椰子、頤德行、杏香園等等一眾朋友，我們唯有下次再遇喇！

景點方面，因為要遷就賭場的團友，所以唯有cut左過路環同黑沙海灘的行程了！

酒店方面，有為12 歲以下的客人免費加床，就咁，一房兩雙人床一單人床剛好放入5大人1細路，good！！

回鄉之旅

天天第一次回鄉探親 暨 我倆第一次帶埋孩子回鄉探親 暨 豬旅結婚兩週年紀念旅行，經已順利進行！！

先到深圳灣口岸集合，我地都係第一次黎咋！

跟住我地就跟住叔叔，一行7人連大連細的走到叔叔預先安排好的7人ven上，不需3小時，我地就輕輕鬆鬆舒舒服服咁返到順德市均安鎮，老爺奶奶家喇！

執了一會行李後，出發...行幾步，到七叔公家晚飯，飯後大人小孩各自精彩，大人呢...煲煙吹水國家大事天下事，孩子呢...走到大花園玩車車你追我逐。

第二日繼續優閒自在地享受假期天倫之樂，飲茶到噴水池到露台...又繼續坐在梳化食食食，汽水薯片朱古力雪糕杯麵一眾親戚好友齊集，呵呵呵！

回鄉當然不能不到均安大橋一走啊！上次我倆到來時，還未結婚啊！

第三日下午，與各親友道別後，到順德市走走，掃街癮又發作了，薑汁撞奶雙皮奶烚粟米羊肉串蔗汁炸脆奶...統統放入肚內，好充實的一個下午！

晚上重頭戲，是叔叔嬸嬸結婚兩週年紀念慶祝晚會，到訪海岸城的中森名菜勁食魚生日本菜，亦係第一次品嘗到馬肉剌生的味道...

好開心地渡過了3日旅程！

舊同學的分享

舊同學來電，分享喜悅。

『有人提名我參選優秀社工呀！』

這機遇讓我們二人都反思，都得著！

提名舊同學的朋友，對她表示，

『因為在我低潮時，妳鼓勵我，使我再次有動力！』

舊同學抱著『用心聆聽，真心看待』，

使提名人振作起來！

為社工者，『用心』是所有方法的根源，

若當作『事工』看待，一切都白費！

出自真心真誠的分享，可以為他人帶來無限的祝福，

獎項已是其次，舊同學和我反而更珍惜他人的得著。

爸爸

為了22號的party,老公帶著疲累身軀,夢遊般...到會所排頭位.

為了那燒烤爐,老公還急call死黨一名,陪他排頭位.

不少認識我倆的朋友,都會對我說：『你老公有仔萬事足呀！』

不錯,他,可以為了他,放下身段,放下尊嚴.

同時亦可以為了他,放棄身材,與他一同吃『香蕉船』！

**************************

他,可有想過,去了一會波波池,睡個午覺,再到荃灣走走,之後得到102.8呢！

他,原本打算回公司處理一點事務,

見他事出突然,隨即改變安排,第一個便跑到梁醫生處.

『開始作感冒喎,開點藥俾你啦！』

以為一切都會穩定下來,誰知下午收到婆婆來電,

『103度幾喎,未夠104,塞pat pat啦！』

好,好,好！快d退燒好！

臨放工時,婆婆又再來電,

『唔係好退燒喎！』

他,隨即表示『同佢睇多次梁醫生啦！』

飛的士與他會合,取了另一樽白色藥水,服後出了汗,

睡著了！

『爸爸，沖奶奶！』

他,溫柔地回應『依家去沖，你等我喎！』

爸爸,我們愛你！

瑞士表姐

『 媽咪，表姐呢？』

『表姐返左瑞士喇！』

**********************

『媽咪，表姐呢？』

『表姐返左瑞士喇！』

**********************

『媽咪，表姐呢？』

~世界也許假的，聲音是真的......~

『天天，快D睇吓電視啦，表姐咪住o係呢度囉！』

『媽咪，牛呀！』

『！！！！！！！！！！！！！』

PS：與表姐的照片拍攝於今年國慶煙花匯演之地，表姐翌日便走了！

咖啡

為了他,曾經決心戒掉咖啡

在每日繁重忙碌的工作中,每天開工前,少了一杯咖啡,失色不少之餘,還嚴重影響工作效率

究竟,可以如何選擇呢!

家

哎呀,
天天最鍾意睇廣告呀,
睇到唔捨得走呀,
在房聽到心宜廣告正在播放仲會跑住出廳睇呀,
睇唔到有時仲會大喊呀...

冇計啦,一切禍根由父母開始,
所以政府賣廣告『一切從家庭開始』
係正確的,
問題係,各人對『家』這概念是從何而來呢?
由上一個,再上一個,再上上一個......而來???

南生圍草叢篇

爸爸呢...
爸爸呀！
D草好『吉』呀！

由橫水渡行入南生圍，有段路仔有好多好高的草，小朋友如天天那個高度的，不消一會便會溶入草叢中，旁邊有好多個荒廢了的魚塘，現已長滿高高的蘆葦草，一不留神好可能『差』錯腳跌落魚塘呢！

繞個大圈，差不多到黃屋村前，有個敬輝農場，內裡有聲稱是全港最大的蓮花池，亦有嚇死人的生物--塘虱，因為牠是大條到有點得人驚呀，場內有自制豆腐花，盛惠7銀，味道一般。

昨晚食飯，婆婆又想再去，問天天『同公公一齊去睇大雀好唔好呀?』，可能婆婆掛住那些水鴨啊！

在大自然中

在大自然中，讓小朋友自己探索，讓他自己發現，讓他自由自在...

南生圍

婆婆兒時居住大生圍，已忘記是誰叫她每日捉些『蟹仔』，行個幾鐘頭到南生圍橫水渡將之賣掉，大概每次有1蚊！這1蚊，婆婆話要捉成日先有，而這1蚊，她說可以買到好多好多個菠蘿包。

天天，這裡就是橫水渡了。

媽咪，點解要擺呢個post呢，你見唔見到我好驚呀！

雙腳已經夾到棵樹好實喇，爸爸，影完未呀，放我落黎呀！

洪聖爺灣

終於，在多番鼓勵鼓勵同鼓勵下，雙腳...才願意踏在沙上！

『吉腳』！！

南丫島

行上風采發電站時，身水身汗！

老公、老爺、奶奶都不約而同地著橙色，咁啱，我同天天就著淺綠喎！

風采發電站......

o係上面！

放假節目

放假，可以食雪條！

放假，要到遊戲室！

放假，要去波波池！

放假，要去倣毽樂完，入蚊蚊！

又係西貢艇釣

又出海，同樣係西貢，再一次係艇釣！

公公教釣魚，西貢近岸釣，size係咁尚吓！

懶洋洋地過日子，正！

內地遊的指定動作

老爺兒時好友在沙頭角經營海鮮批發，一眾親友一同到訪，遊覽一下鹽田海岸景色之餘，天天亦不忘擺出內地的指定動作...




小孩子果真觀察力強、學習速度驚人、以及模仿力強啊!!

點解要和天天自由行

因為唔捨得留天天在香港，自己外出遊玩。


自由行本身已經夠要用腦，帶住天天一齊同行，更是忙到無閒想其他事，真正達到『放下工作』這個目的！


對『在職父母』來說，旅程中會發現小孩更多。小孩的一舉一動，每每讓父母萬分驚喜。令彼此距離拉得更近。


改變父母的古舊思想：『咁細個小孩去咁多人旅行，得唔得架？』
加強父母對小孩適應力的信心，個答案係：『得架！』


提高小孩的適應能力。
讓小孩有更多外界刺激：飛機、空姐、外國人、酒店、火車、地鐵、動物園、玩具店、博物館...


什麼也讓他試，提升自信心。


小孩這階段模仿能力極強，什麼也模仿一餐，勁攪笑！


提升父母的體能！
老公單獨孭住尿片、奶粉、奶樽、凍開水、熱水壺連熱水、後備衫褲、旅行便盆、小食如提子乾/餅/維他奶、雨傘、即食baby food......


提升父母的適應能力！
小孩子隨時隨地都有機會話：痾尿、痾屎、瞓覺、食mum mum、去呢度、去個度、要呢個...要呀...嗚嗚...嘩嘩......


一家人齊齊整整去享受同一個經歷和生活體驗。

一家人一齊笑，一齊大笑，一齊哈哈笑！

5/9/08 @ 上野動物園入口前廣場。