舊同學的分享

舊同學來電，分享喜悅。

『有人提名我參選優秀社工呀！』

這機遇讓我們二人都反思，都得著！

提名舊同學的朋友，對她表示，

『因為在我低潮時，妳鼓勵我，使我再次有動力！』

舊同學抱著『用心聆聽，真心看待』，

使提名人振作起來！

為社工者，『用心』是所有方法的根源，

若當作『事工』看待，一切都白費！

出自真心真誠的分享，可以為他人帶來無限的祝福，

獎項已是其次，舊同學和我反而更珍惜他人的得著。

爸爸

為了22號的party,老公帶著疲累身軀,夢遊般...到會所排頭位.

為了那燒烤爐,老公還急call死黨一名,陪他排頭位.

不少認識我倆的朋友,都會對我說：『你老公有仔萬事足呀！』

不錯,他,可以為了他,放下身段,放下尊嚴.

同時亦可以為了他,放棄身材,與他一同吃『香蕉船』！

**************************

他,可有想過,去了一會波波池,睡個午覺,再到荃灣走走,之後得到102.8呢！

他,原本打算回公司處理一點事務,

見他事出突然,隨即改變安排,第一個便跑到梁醫生處.

『開始作感冒喎,開點藥俾你啦！』

以為一切都會穩定下來,誰知下午收到婆婆來電,

『103度幾喎,未夠104,塞pat pat啦！』

好,好,好！快d退燒好！

臨放工時,婆婆又再來電,

『唔係好退燒喎！』

他,隨即表示『同佢睇多次梁醫生啦！』

飛的士與他會合,取了另一樽白色藥水,服後出了汗,

睡著了！

『爸爸，沖奶奶！』

他,溫柔地回應『依家去沖，你等我喎！』

爸爸,我們愛你！

瑞士表姐

『 媽咪，表姐呢？』

『表姐返左瑞士喇！』

**********************

『媽咪，表姐呢？』

『表姐返左瑞士喇！』

**********************

『媽咪，表姐呢？』

~世界也許假的，聲音是真的......~

『天天，快D睇吓電視啦，表姐咪住o係呢度囉！』

『媽咪，牛呀！』

『！！！！！！！！！！！！！』

PS：與表姐的照片拍攝於今年國慶煙花匯演之地，表姐翌日便走了！

咖啡

為了他,曾經決心戒掉咖啡

在每日繁重忙碌的工作中,每天開工前,少了一杯咖啡,失色不少之餘,還嚴重影響工作效率

究竟,可以如何選擇呢!

家

哎呀,
天天最鍾意睇廣告呀,
睇到唔捨得走呀,
在房聽到心宜廣告正在播放仲會跑住出廳睇呀,
睇唔到有時仲會大喊呀...

冇計啦,一切禍根由父母開始,
所以政府賣廣告『一切從家庭開始』
係正確的,
問題係,各人對『家』這概念是從何而來呢?
由上一個,再上一個,再上上一個......而來???

南生圍草叢篇

爸爸呢...
爸爸呀！
D草好『吉』呀！

由橫水渡行入南生圍，有段路仔有好多好高的草，小朋友如天天那個高度的，不消一會便會溶入草叢中，旁邊有好多個荒廢了的魚塘，現已長滿高高的蘆葦草，一不留神好可能『差』錯腳跌落魚塘呢！

繞個大圈，差不多到黃屋村前，有個敬輝農場，內裡有聲稱是全港最大的蓮花池，亦有嚇死人的生物--塘虱，因為牠是大條到有點得人驚呀，場內有自制豆腐花，盛惠7銀，味道一般。

昨晚食飯，婆婆又想再去，問天天『同公公一齊去睇大雀好唔好呀?』，可能婆婆掛住那些水鴨啊！

在大自然中

在大自然中，讓小朋友自己探索，讓他自己發現，讓他自由自在...

南生圍

婆婆兒時居住大生圍，已忘記是誰叫她每日捉些『蟹仔』，行個幾鐘頭到南生圍橫水渡將之賣掉，大概每次有1蚊！這1蚊，婆婆話要捉成日先有，而這1蚊，她說可以買到好多好多個菠蘿包。

天天，這裡就是橫水渡了。

媽咪，點解要擺呢個post呢，你見唔見到我好驚呀！

雙腳已經夾到棵樹好實喇，爸爸，影完未呀，放我落黎呀！

洪聖爺灣

終於，在多番鼓勵鼓勵同鼓勵下，雙腳...才願意踏在沙上！

『吉腳』！！

南丫島

行上風采發電站時，身水身汗！

老公、老爺、奶奶都不約而同地著橙色，咁啱，我同天天就著淺綠喎！

風采發電站......

o係上面！

放假節目

放假，可以食雪條！

放假，要到遊戲室！

放假，要去波波池！

放假，要去倣毽樂完，入蚊蚊！

又係西貢艇釣

又出海，同樣係西貢，再一次係艇釣！

公公教釣魚，西貢近岸釣，size係咁尚吓！

懶洋洋地過日子，正！

內地遊的指定動作

老爺兒時好友在沙頭角經營海鮮批發，一眾親友一同到訪，遊覽一下鹽田海岸景色之餘，天天亦不忘擺出內地的指定動作...




小孩子果真觀察力強、學習速度驚人、以及模仿力強啊!!

點解要和天天自由行

因為唔捨得留天天在香港，自己外出遊玩。


自由行本身已經夠要用腦，帶住天天一齊同行，更是忙到無閒想其他事，真正達到『放下工作』這個目的！


對『在職父母』來說，旅程中會發現小孩更多。小孩的一舉一動，每每讓父母萬分驚喜。令彼此距離拉得更近。


改變父母的古舊思想：『咁細個小孩去咁多人旅行，得唔得架？』
加強父母對小孩適應力的信心，個答案係：『得架！』


提高小孩的適應能力。
讓小孩有更多外界刺激：飛機、空姐、外國人、酒店、火車、地鐵、動物園、玩具店、博物館...


什麼也讓他試，提升自信心。


小孩這階段模仿能力極強，什麼也模仿一餐，勁攪笑！


提升父母的體能！
老公單獨孭住尿片、奶粉、奶樽、凍開水、熱水壺連熱水、後備衫褲、旅行便盆、小食如提子乾/餅/維他奶、雨傘、即食baby food......


提升父母的適應能力！
小孩子隨時隨地都有機會話：痾尿、痾屎、瞓覺、食mum mum、去呢度、去個度、要呢個...要呀...嗚嗚...嘩嘩......


一家人齊齊整整去享受同一個經歷和生活體驗。

一家人一齊笑，一齊大笑，一齊哈哈笑！

5/9/08 @ 上野動物園入口前廣場。

好耐冇見

計計數，天天已經21個月，眨眼便21個月...咁就過左21個月......

21個月，學會整古做怪。

『天天，要返屋企喇，去拎鞋黎啦。』

『鞋呢，鞋呢...』

『仔，你玩野呀，鞋咪o係你面前囉。』

繼續...鞋呢，鞋呢，望吓鞋架上面，又望吓鞋架下面，又拎公公對涼鞋，又拎婆婆對拖鞋。

細路，你想點呀！

家裡的功夫熊貓

功夫熊貓,你家有冇呀??

我家有一隻...

(梳化上)有冇功夫熊貓呀??
天天使出橫踢腿!!



(躺在床上)有冇功夫熊貓呀??
天天使出蜈公彈!!

屋企有冇熊貓呀?
天天會帶福娃給我!

難清

天天所生的濕疹,大概在他10個月時開始出現,最初生了在小腿,看醫生搽了普通藥膏便痊癒,及後不記得隔了多久,在背部近尿片位處出現,都是看醫生搽了普通藥膏便痊癒,那次,我亦問過醫生:點先可以減少呢D野嘅出現呢?醫生答:冇!!

近月,那些被醫生診斷為"濕疹"的東西,生了在面仔,而且久久也未能痊癒,結果醫生終於開了類固醇藥膏,開藥前,還語重心長的向我解釋:坊間對使用類固醇藥膏的認知好薄弱,一聽到醫生要開,就好似醫生開了毒藥般會害死病人...(醫生,我個樣唔係咁差呀,你咁都睇到!!)

...其實病人只要按醫生處方,正確使用,類固醇確係一種有效的藥物啊!!你仲有冇擔心呀?

有!可唔可以唔用呀!!

結果,天天按處方,使用那些藥膏,但效果不顯著,停止使用藥膏便再發出來.

他所生的濕疹,我估不是嚴重那些,因為我從不見他會用手抓,或有痕癢表現,我朋友的女兒所生的濕疹是痕癢無比,使她整夜難眠,而天天那些雖不痕,但亦不退!!攪到佢個面好似人地生到成面酒米般,摸落去又"鞋鞋"的!好令人討厭!!

上兩週試著為他戒去一些我們以為誘發其濕疹的食物--維X奶,黃豆類食物,嬰兒牙膏(含牛乳那種),最初搽藥膏那幾天,情況真的有好轉,前日見到---又黎過!

即係唔關事啦!!

把幾火今日我又帶佢見醫生,醫生表示:你有兩個做法,第一個極為慳錢,但好花時間,就係做飲食日誌!第二個就比較花錢,但係快--驗血!!

心急如我,二話不說--驗血!

雖知可能未必有我想的結果,知道點解會引起其濕疹,但更難的是--天天是個為食鬼,每逢見到大人將食物放入口,他都知道--有野食喎!

無論那樣食物是否適合他吃,他也會死纏難打的--我要食!!

食薄餅時他要食你的意粉...
食糖水時他要食你的腐竹糖水...
飲汽水時他要多多...
食薯片時他要餅餅...

要如何完成那本飲食日誌...諗起都頭痕!!

只可連續搽三日,每日兩次的類固醇藥膏,今晚搽了第二次...

中年婦與老人家

車箱裡,中年婦人站在老人家身旁,

老人家坐在椅上,望著中年婦語重心長的說著話...

話還未說完,中年婦已不耐煩的回應『得喇』,

老人家停了一會,又繼續的對中年婦說話...

這次,中年婦加重語調,聲線提高幾度『都話得咯,我識攪架喇,你唔好理咁多啦』

中年婦每次說話,都是望著窗外,而老人家因為坐著,所以每次說話,都是抬起頭望住中年婦.

無意猜測她們是母女,還是婆媳,但直覺告訴我,她們是母女!

有孩子的,好快會想『如果第時天天用咁嘅語氣同我講野,咁我點呢?』

今天,中年婦與老人家的關係,為何會落得如此局面,不得而知,但我就十萬個不願在年家時得到這個下場.

天天,我好愛你!

清

有冇秘方可以徹底清除...根治...那些生晒o係個面仔度嘅濕疹呢??!!

煩死喇!

太陽伯伯被雲姐姐遮住左

1歲7個月的天天,仍是喜歡痴住媽咪：媽咪抱,媽咪攬,媽咪鍚,媽咪著...不過這情況只會出現在爸爸和媽媽一起時!

當有公公,這些原來為『媽咪』的,會變成『公公』!!
就連下午那次小休,天天都不會叫婆婆孭,而一定要公公孭!縱使公公是剛放工回家!!

婆婆有時會問：公公每日對住你的時間好少啊,為什麼還會咁痴佢呢?
這我也不明!

天天喜歡聽國歌,6點半新聞前播的那次最為著緊,不過好多時都在瞓覺而錯過了,幸好,偉大發明錄影機的出現可補這不足,無論何時睡醒,天天都會向公公下指令：冬冬聽歌歌Dum制!
最少要聽三次,呵,好似好多bb都好接受呢種國民教育方式喎!!

教識天天看月亮,每日由娘家回家時,天天都會指向天上：月亮姐姐?
這個星期,只好每次用同一句回應：月亮姐姐被雲姐姐遮住左啊!
好不容易等到同老公一同放假,係呀,已經整整兩週未有一齊放假喇,但又遇上...
太陽伯伯被雲姐姐遮住左啊...去邊好呢??