Look-alike Meter...Con't

柔媽教路,試到下面那個玩意.

結果未出前,老公看似鬆容地話:使咩野試吖,實係似你多d啦,我d同事都係咁話!

結果出來後,老公語帶呷醋的:吓,有44個巴仙似你呀,唔似我咩!!

老公,算啦,外表...唔係最重要嘅......雖然個仔o係性格上都幾似我!!

Look-alike Meter

MyHeritage: Look-alike Meter - Geneology - Pedigree

好肥咩

18個月到健康院作發展監察,磅豬豬有12.9kg,被姑娘問:點解咁肥架,你有D超重喎!

我話:係呀,佢食好多野架,到依家都仲要食夜奶!

姑娘話:哎呀,亞媽,佢咁大個唔可以仲食夜奶架喇,呢D唔係需要,而係心癮,好似大人咁,半夜三更唔係肚餓架,但如果要你食,你一樣食得落喎,你個仔嘅情況都係咁,所以一定要戒喇!你再帶佢去度吓有幾高,再返黎啦!

***********************

我話:姑娘,度完喇,85CM啊!

姑娘話:等我計計先...其實計落,佢又冇超重喎,可能好似爸爸生得高呀...不過就算唔係超重,都唔應該再食夜奶架喇!!仲要唔好食住奶黎瞓呀,一定要刷左牙先好瞓喎!!

我話:哦!

其實就咁睇,天天一D都唔肥喎!!

仲下巴尖尖咁添!!

玩...你

天天示範如何"玩弄"--東東魚魚!
(過程有點殘酷,小朋友收看時敬請家長陪同!)

西貢艇釣遊記

西貢艇釣是老公和婆婆為了吊"釣癮"而選擇的,這天船家因為天天的到來,給了一艘足以接載25-30人的大艇,亦為天天的第一次艇釣旅程帶來無限歡樂...

首先,是長椅樂園

還未懂得分"大海"和"水池"的天天,仍然叫這個景象為"池池"!!

坐在船頭使他有點不安...

在天天的"圖書櫃"中,有本"小魚東東"的圖書,因此這小魚也就是"東東魚魚"啊!

示範一下艇上人家的睡姿,爽!
因為要開船,驚噪醒他,要返上車車繼續睡

當然不少得婆婆的營養餐啦

"媽咪,你睇,佢地唔知做緊咩野呀!"

咪就係兩個釣魚痴囉!

自娛--硬照片

艇仔上,可以玩的包括--長椅子

腳板底

扑魚魚

飲管篤沙蟲

同埋玩橡根!!

自娛--動感編

西貢艇釣,爸爸婆婆掛住釣魚,天天唯有自娛一番...

又無端端數1...2...

觸覺

視覺,聽覺,味覺,觸覺,嗅覺.

為小孩子認識這個世界的重要工具,當中讓小鬼較少刺激的,是觸覺.

為此,五一便與他赤腳行草地,一路行一路鄒眉...行了不到3分鐘,出絕招嚎哭叫抱抱!!

週日,陽光普照,帶他到沙灘,滿以為小鬼會開心地玩上幾句鐘,誰知...一踏足幼沙上,便以九秒九的速度將腳縮起,繼續橋住我對腳,死命也不再企好!!

好啦好啦,唔玩沙,去玩水吧!嘿,又係咁,一掂到水就再唔肯掂!!

在旁的母親太太們見狀,即刻話:係咁架,我個女咁細個嘅時候都係咁架,玩多幾次就唔驚架喇!

係咪真架???

好啦,滿以為會在沙灘玩好耐,變成玩不到15分鐘就要去洗PAT PAT!!小鬼竟然對公廁內洗手盆的水龍頭有興趣,一按有水出時便笑到哈哈聲...細路,你係咪玩野呀!!

昨日,到玩具店行逛,老公滿心歡喜地揀了射擊小鱷魚遊戲,以為小鬼見到會自己行的鱷魚仔好開心,係囉,以為囉,換來係...好驚咁跑去公公度攬實囉!!

而我,又以為佢會喜歡玩色彩繽紛嘅泥膠,係囉,又係以為囉,佢一掂到就縮手喇!!!

究竟,係佢太細個,還是係我俾得太少機會佢去用觸覺來認識這個世界呢?

天后誕

天后誕為大西北居民一年一度的盛事,除左舞龍舞獅極為吸引外,從小到大我覺得好看之處,莫過於成棚人可以在"馬路"中大搖大擺啊!

只可在行人路兩旁觀看的我,每次都會想:"如果我都可以同佢地一齊,o係條馬路度行就好喇!"可惜,我既不是原居民,亦沒有認識原居民朋友(聽說若有原居民朋友,佢地都可穿上村民制服同可以一齊行啊),所也只好站在一旁...

昨日的活動,老公放假,與婆婆帶住大病初痊的小鬼去湊熱鬧,他們到了活動起點,到今時今日,我呢個在大西北住了成世人的女子,先知原來在起點,係可以和表演者近距離接觸啊,真失禮!

去年還未到一歲的小鬼,在出匯未開始時已瞓著,未有機會欣賞,今年佢就過足癮了.


同小鬼一同合照的...唔知點稱呼喎!!
婆婆叫小鬼摸吓龍頭鬚,話會身體健康,聽教聽話,聰明伶俐,快高長大......喎,仲之係好野啦!

條龍呢??

條龍個肚有D咩野呢???
啊,原來有腳喎!
哎呀,條龍起身喇,快D走先!!
呵,飛左去lu!!!

104

17個月以來,首次發燒發到104度,害得爸爸媽媽公公婆婆爺爺嬤嬤一眾人都好擔心.

醫生話:喉嚨發炎的bb,發燒反覆是正常的,但可以在一小時內可以由100度,一跳跳到104度,就算好明白當中道理,也會為之而感到擔憂同害怕...

擔憂--是見到活潑的小鬼突然變成冇電的病蟲,那個可憐樣,好想幫但又幫不了!

害怕--是會否燒懷腦啊!會否影響智商啊!會否抽筋啊,再係咁發又唔退燒咁點啊......

發燒使小鬼冇胃口,整日只是飲奶,晚上因為103度,就連奶都唔飲,給他塞了退燒丸,入睡了!

小鬼,快給我退燒啊!

四方城主

剛過去的週日,是家庭日.

媽媽問:爺爺住係邊呀?

天天答:段蒙...(bb話係咁尚吓,睇你識唔識翻譯啦!!

媽媽問:咁嬤嬤住係邊呀?

天天答:段蒙!

係呀,咁我地去搵爺爺嬤嬤啦!

一家人圍攻四方城,點可以冇天天份,呢樣係中國人必然要懂的玩意(雖然我不懂!!!),更何妨係男生就一定要掌握掌握,第時可以做嬤嬤"隻腳"呀!!

為此,亞仔你一定要俾心機學呀!!

知喇,媽咪!

呢隻,好似啱喎.

食得喇!yeah!!!

浣熊同我去探威威司令

上週五,在浣熊的陪同下,我們去了探威威司令同佢嘅朋友,雖然當日冇纜車坐,冇機動遊戲玩,但仍然有...

熱愛釣魚的爸爸也喜愛的館子

人咁大的鯊魚

海獅與工作員

歡樂天地??!!

我係咪嬴左朵花花呀???

盈盈同樂樂呀!!

oh,原來未夠91公分喎!!

天天台北自由行

@捷運

過馬路要遮住個鼻

@烏來
就到瀑布,有點雨
又要射波
打老鼠
夾到公仔@台北車站地下街

文化村的豬@北投
我又要拉行李唊@信義誠品店
@大安森林公園