婆婆童謠

"打大脾,唱山歌
人人話我冇老婆
的起心肝娶番個
有錢娶個嬌嬌女
冇錢娶個豆皮婆!"

呢隻"童謠",係天天婆婆所教嘅,亦係天天近日非常喜歡的"歌仔"!無論去廁所,食飯,甚至睡覺,都會叫我唱俾佢聽,每每到紅色字的地方,都會由天天唱出,哈,我反而唔記得細個時,媽咪有冇同我唱過喎!!

*******************

昨天放假,一家到銅鑼灣逛街,買了玩具俾天天之餘,亦為他買來第一對波鞋!

我同老公都係N字鞋的擁護者,早在天天未識行的時候,我地已經睇過,但見其鞋底比較硬,識行的BB好似啱一D,所以一直冇買,昨日,實在忍唔住手喇!

早前我同老公各買了一對新鞋,天天見到,即刻走埋黎--"新",之後再望吓自己對鞋,我地即刻話,好啦,睇啱天天嘅就買對新鞋啦!昨日買了,穿在腳上,小孩子滿足非常,不停"新"之餘,仲不時望吓我同老公對鞋!

********************

地鐵站是玩捉迷藏的好地方呀!