19/5/09慶祝天天兩歲半節目第一炮--川龍

慶祝天天兩歲半生日活動，今日正式展開。一連五日的慶祝活動，因受天雨影響，行程可能有改變，原定五日都是戶外活動，或許個別改為室內活動吧，但亦無疑大家的興緻。

活動第一天，領隊爸爸安排到川龍嘆茶，先黎一個大飽頂頂肚，之後向扶輪公園自然教育徑進發，初段梯級雖然多，但主角天天一點也沒欺場，全程自己行，一邊拿住樹枝當神劍，一邊就叫舅父等埋佢，事關舅父實在行太快喇！

領隊爸爸除了顧老顧細顧大肚婆外，仲要做埋人肉驅蚊機，嘩！搽晒蚊膏蚊油貼埋蚊貼都唔係好掂，搽漏左天天塊面，結果餓蚊乘虛而入，咬了其眼皮一口，回程時開始大細眼囉。

天氣雖然熱了點，但路程短兼有大樹好遮蔭，所以都算舒服，亦未有下雨，旅程輕鬆愉快，多謝領隊爸爸，期待明日的精彩活動。