好忙碌但好滿足!

自31/1復工後,就忙個不停,除左要重新投入工作外,1/2天柏仲要入院照x-ray,4/2

就再入院照超聲波,黎confirm佢個髖關節有冇事,攪完一輪之後,終於確實咩事都冇,好彩!!

到左呢個星期,帶佢去打防疫針,今朝就發燒喇...

每日都好趕咁出門口,又好趕咁返屋企,之後又好夜咁餵佢食奶瞓覺,老公都佩服我點解會有用唔完嘅體力同精神...咁個咪係亞媽囉!!

最近天柏開始識得食手指,扭眼瞓嘅時間俾之前長,開始識得認人,鐘意我抱多過族長抱,攪到佢好唔開心,咁都冇辦法啦,佢扭計唔肯瞓時係做亞媽嘅處理多,做亞爸嘅...通常一早就大覺瞓囉!付出同收穫o係呢個情況下係成正比的!!