自從放完產假後,湊b嘅重任就交到我媽咪身上,最初協議好,佢每日朝到我家帶天柏走,我or族長收工後就去佢度接天柏回家,但每日的上上落落,實在令我同我媽咪都感到疲累,尤其當我每日只有大約5個鐘嘅sleeping hour,就更加痛苦!!
間中我會邀請媽咪留在我家照顧天柏,但又令到佢覺得不便之餘,我就要好準時收工返屋企接佢班,等佢唔使咁夜先返到自己屋企,咁又出現問題,因為有時唔係想準時走到就走到!
所以,最後決定,都係搬近媽咪處,為此,我地帶住天柏睇左幾次樓,都幾疲累,因為佢都幾重,又因為健康院冇安排我地3個月時返去磅重,所以我都唔知佢依家幾重,但已經大隻到要用中碼尿片喇,等我揾日放假,帶佢去健康院,問吓姑娘可唔可以幫佢磅磅先!!
依家仲o係還價階段,順其自然吧!為左小朋友,父母真係會選擇"供樓"呢條路呀!
5 則留言:
你好, 首次留言呀!
我而家都係過住同你類似既生活, 朝朝同老公所工人抱必必去grandma 度, 晚上食埋飯至抱必必番hm, 好tired. 但老公堅持唔會俾bb 同工人"獨處一室", 咁我都同意既. 係丫. 每日放工都急急腳, 歸心似箭. 不過好彩奶奶算住得近, 行十零分鐘.你果個係媽媽, 更好, 搬近d真係方便好多架.
howyan,講緊你wor:'...現今男女生了孩子以後，都要「從」子(女)，買樓、賣樓、換樓、租過層樓，買車、賣車......都是為了一個個他和她。'
to:藍mama
呢段咁中嘅說話,究竟係邊個分享呢,真有共鳴!!!
見到你問"依家天柏用緊pampers超薄乾爽,即係線色果條line,想試吓紫色條line呀!!有冇人用過呀!!"
我主要用nepia 既, 但用15蚊discount coupon 買過pampers 兩條line, 個人覺得超薄好用過紫色"合身好動"條line 既. 我估bb 會覺舒服d.
howyan: http://blog.dayton-rayner.net/index.php?op=ViewArticle&articleId=90&blogId=1
發佈留言