最近睇左好多次樓,其實睇來睇去都係同一個屋苑,不過睇唔同單位,期間有兩個我地都有還價,但一個就突然封盤!!由初時開價$180M,到突然話:冇$200M都唔使黎睇!!!另一個就開價$185M,還到佢$182M佢都唔肯,企硬$185M!!
樓價,從來都係由市場去決定佢嘅價值,所以97年嘅樓,咁貴都有人買賣,你話佢實質值唔值咁嘅價錢??發展商就一定唔使用咁貴嘅價錢去起啦!!
依家睇緊嘅屋苑o係元朗,樓齡3年,屬於近年元朗較大型嘅樓盤,平均依家賣緊$3000一尺!!我已經冇去諗佢究竟值唔值呢個價錢,我只係想問:差個幾萬蚊都唔肯去成交,唔通個市真係咁好??有價冇市咋!!!
3 則留言:
俾少少意見. 我娘家都響元朗, 但唔響市中心, 以你180萬既筆直, 其實好多樓齡略高(around 10 yrs) 既低密度住宅可以揀喎. 以我娘家計, 180應可買8xx 單位連天台or地下花園加車位. 小朋友地方大d, 玩都開心d.
我地揀樓,有條件限制!!
1.要近我媽咪家,佢住o係恒香附近.
2.要近西鐵,因我地倆公婆都搭佢黎近工.
3.要比較新...其實係我老公唔鐘意太舊嘅樓
所以依家就只有呢個樓盤合格!!
個市有少少係政府做出黎既...因為$200萬以下的樓,好似咩印花稅(定係其他呢唔記得喇),劃一到$100,用以刺激下樓市...唔岩米再睇定D先
發佈留言