奶媽自開始製作"甜品"後,一直隨遇而安,未有再刻意改變,但心底裡仍是希望--如果可以好似以前咁就好喇!
昨晚行經嬰兒用品店,見到mother's milk herb tea,心想:不如盡最後努力,一試吧!
胆粗粗的買回家,今早沖了一個來喝~
未喝已經想棄掉...好難聞啊!
午餐後,已作決定...棄掉它!!
************************************
天天已是第二晚沒有要求飲夜奶了,我...沒為他做過什麼!
第一晚,我估因為日間睡得實在太少,以至晚上他要睡個夠本,所以半夜冇起床.
第二晚...我也不知為何!總知就是冇起床!
如果一直是這樣就好了!
*************************************
早前朗媽教路,幫天天戒夜奶,用6安水開4安奶,慢慢溝淡佢,到最後可以俾水佢飲,我又試一試啦!
3am,天天醒了,開口說"奶奶",老公隨即按指示,開了那"6安奶"來,天天飲了兩啖後,唔肯再飲!之後揭起我件衫,再說"奶奶"!
點知...半夜三更係冇甜品供應架,佢又好唔開心,嚎哭一會!終於,在那"6安奶"中加回1安奶粉,佢就好開心地飲完瞓覺,激死!
6 則留言:
巧欣，
而家我地d BB 唔係咁順攤架勒~~~~
戒奶我看書話連自己的底衫都要收埋，因為有味喎，自己試咗係得架，仲有，戒完亞媽個心好失落。
祝天天全家新春快樂、恭喜發財。
喵,
係呀!
順祝你一家鼠年開開心心,個個笑口常開,最緊要係身體健康!
莫太,
吓,原來要收埋底衫架!嘻,天天見到我,又真係會講奶奶架,不過就未有"夾硬黎"!
係呀,冇奶俾佢食,好down呀!所以咪買多奶茶囉!
我都祝你一家心想事成,莫仔仔越大越精靈,最緊要係身體健康呀!
祝鼠年生活幸福，平安滿足 ^^
我諗番起無得餵果陣真係好失落,但你已經好努力囉!你同天天都要慢慢適應!
祝天天乖乖,快d戒晒夜奶,一家人都身壯力健!
藍mama,
哈,天天已經成個幾星期冇飲夜奶喇!
祝你地一家都開開心心,身體健康吖!
發佈留言