為小孩子認識這個世界的重要工具,當中讓小鬼較少刺激的,是觸覺.
為此,五一便與他赤腳行草地,一路行一路鄒眉...行了不到3分鐘,出絕招嚎哭叫抱抱!!
週日,陽光普照,帶他到沙灘,滿以為小鬼會開心地玩上幾句鐘,誰知...一踏足幼沙上,便以九秒九的速度將腳縮起,繼續橋住我對腳,死命也不再企好!!
好啦好啦,唔玩沙,去玩水吧!嘿,又係咁,一掂到水就再唔肯掂!!
在旁的母親太太們見狀,即刻話:係咁架,我個女咁細個嘅時候都係咁架,玩多幾次就唔驚架喇!
係咪真架???
好啦,滿以為會在沙灘玩好耐,變成玩不到15分鐘就要去洗PAT PAT!!小鬼竟然對公廁內洗手盆的水龍頭有興趣,一按有水出時便笑到哈哈聲...細路,你係咪玩野呀!!
昨日,到玩具店行逛,老公滿心歡喜地揀了射擊小鱷魚遊戲,以為小鬼見到會自己行的鱷魚仔好開心,係囉,以為囉,換來係...好驚咁跑去公公度攬實囉!!
而我,又以為佢會喜歡玩色彩繽紛嘅泥膠,係囉,又係以為囉,佢一掂到就縮手喇!!!
究竟,係佢太細個,還是係我俾得太少機會佢去用觸覺來認識這個世界呢?
7 則留言:
哈！朗朗仔都唔太喜歡赤腳行草地同玩沙，無野嘅，現在唔識玩，大大下人就知好玩。
BB 的聽、味、視覺都非常發達敏感，惟獨對觸感非常小心翼翼，我阿仔都係咁，隻手唔肯掂濕立立o既o野。
小朋友這麼小很好奇的。只要他們不將有毒東西放入嘴中，或將東西吞下肚去，可以由得他們到處摸的。
包小時候將東西嗅了嗅，然後放入嘴中咬一輪。
係呀, 專家話赤腳時小朋友會驚架, 太刺激啦.
係呢, 你地最終有冇報名去民丹呢?
必必上次著左鞋行草地, 跑得好開心架, 但一跌, 手一摸到草地, 即.刻.喊.出.黎
重要手手腳腳離地喎, 唔肯自己起番身, 成隻鑊咁響草地上叫.
沙灘/海水....情況類同啦.
天天同必必, 好鬼似!
哎呀,早排好忙,都冇時間覆大家呀!
朗媽:我見其他BB玩得咁開心,咪又想佢都識玩囉,我都大貪左D架!!
MAY:係呀,天天都係唔鐘意用手摸D大軟或大硬嘅野架!
讀食:哈,咁天天唯一到依家仲會放入口嘅--廁紙,叫極都唔聽!!
靛媽:未去呀,係都要等到8-9月呀!赤腳大刺激嗎?咁就刺多佢幾次先得喇!!
火火:緊係啦,必必同天天一樣,差唔多大嘛,仲差唔多大隻添!
喂,有冇影低隻鑊嘅相呀,好想睇喎!!
發佈留言