中計

天天將玩具車掟來掟去，

沒有好好珍惜同愛惜玩具，

知道硬生生的罵他一頓也沒用，

為娘唯有出軟功~

『哎呀，你唔愛錫D玩具呀，佢地就會唔鐘意你架喇，佢地仲會走左去，離開呢個屋企，搵過另一個愛錫佢地嘅小朋友，住o係佢屋企架喇。』

期待著的回應係：
『咁好啦，我唔會掟佢地喇。』

可惜，呢句說話並未有出現~~

我得到的回應，係：
『拿，媽咪，如果你掟我，唔錫我，我就會走去第二個屋企架喇，唔返黎架喇。』

嘿，嘿，嘿~~~

『哦，咁你打算去邊個屋企呢？係咪對面姨姨個度呀？咁你依家想唔想去？如果想咁你就開門自己去啦~~』

『唔好！』