家人聚在一同食飯,弟婦10次有9次都會被老爺催生仔...
"你睇吓天天幾得意!你睇吓大哥大嫂幾開心,幾幸福!你快d生喇,唔好做高齡產婦呀..."
"你讀完書就生喇,唔好再等幾年喇,年紀大生仔好辛苦架..."
"一個家庭有番個小朋友先開心架,最好生兩個,生夠三個都好架..."
有時講講吓,又會燒埋我個度...
"巧欣,生一個唔夠架,襯你未修身,快d生埋第二個啦,都係咁湊之嘛,唔會使得好多錢架,最多食飯加多雙筷子啫..."
我唔去深究老爺背後的想法,但若我有得揀,就絶唔會在呢個時候生第二個!
我已經兩年冇出國旅行喇,上次去旅行係2006年2月啊,若果現在又懷孕,咪即是又要等多兩年先可以去旅行!生兒育女無疑係一個階段,但作為在職媽媽,點都要透透氣啊,對我來說,出國旅行簡直係一個叉電器!所以,天天下週一歲生日,我同老公便攞了幾日大假,打算舉家到馬交走一走,黎個快叉吧!
9 則留言:
呢期真係好興去馬交喎...... 諗諗下我都幾年冇去過,度度先!
hay,有個週六日就得啦!
預祝天天生日快樂! 我地都好期待明年暑假同正正去旅行呀.
正正媽,
係呀係呀,諗起可以同亞仔去旅行,就興奮到飛起喇,你地打算去邊呀?
我都勁鍾意去旅行,但一日、兩日都可以,如果超過三天,我驚會掛住阿仔。好麻煩,而家做人無咁瀟灑O勒。
你會唔會呢?
唔記得講,我係喵喵喵。
may,
我都係呀,依家絶對唔會掉低天天一個架,幾辛苦我都會帶埋佢去架.做亞媽係咁架喇!一齊俾心機吖!
係係打針後,好番d未呀?
阿仔打針後第六日開始發燒,加上傷風同咳咳,睇左兩次醫生、病左四日至好番。
謝謝關心呢!
發佈留言