冰奶真係好"蘇"架!!

今日原本打算去盧醫生處覆診,但打電話去攞籌,哈!從未試過攞咁後呀,19號呀!!睇怕都唔會早,所以都係唔去,改去健康院做產後檢查算囉!

因為先前預左要族長1人大戰bb,所以琴日就將早前儲落嘅冰奶放落雪櫃,到晏就檢查吓佢溶嘅程度...嘩!!仲係硬實實架,即刻call nikita問吓可以點攪!!謝謝你嘅回覆呀,到天柏要飲嘅時候,包奶已經有少少變沙冰嘅感覺,之後我再用48度水助佢一陣,就攪掂左!!

由於我冇去到盧醫生度,所以我睇住族長餵天柏飲冰奶......佢飲嘅時候個樣唔係好喜歡咁!不過都肯飲晒.我之後聞吓D味......同即刻泵出黎嘅好唔同,好......"蘇"!!!

其實我一直都未敢自己試吓人奶係咩野未!有冇媽咪試過呢??又有冇媽咪試過冰奶係咩野味呢!!有嘅話,話我知吖!!

天柏好鐘意坐車車落街,佢會一出門口就瞓著覺,今日都係,3PM族長推佢落樓,未入電梯佢已經瞓左,出奇地一瞓就瞓到7:30PM,咁耐都未試過!

可能佢有成5個鐘未食過奶,所以我竟然可以一次過泵到6安奶呀!!開心到爆!要keep住呀,要堅持全人奶餵佢餵到6個月!