打針

兩個月喇,要打針啊!!原本我都15/16咁諗去私家打5合1好吖,定係跟健康院個schedule好呢,點知12月嘅時候,政府竟然話,舊針副作用會多d,所以會改為bb打4合1!!既然佢都話唔好,我緊係唔跟啦!!其實如果唔係佢要2月先轉,我都會跟架,最衰個時間又唔夾!!

結果昨日帶左天柏到梁醫生處打5合1,到依家為止,佢好似冇咩野唔妥,不過唔知係咪凝住呢,總係覺得佢比平日渴睡咁,今朝我同族長整極佢都唔醒,最後要出動"除尿片"呢個絕招,佢先起身!!午飯過後,佢又瞓左喇!!!

醫生建議我兩個星期之後帶佢返去打"肺炎鏈球菌疫苗",朋友paula話佢唔會咁快俾佢個女打,因為遲d打可以打少兩針,但因為天柏每日都會來回元朗同屯門,所以我同族長都打算依家就幫佢打,不過就要打4針喇!!

另外醫生建議打埋"輪狀病毒疫苗",但我就唔記得佢叫我幾時返去打!!下次再問吓佢!!

雖然打疫苗係最有效幫bb預防疾病,但見到佢咁細隻,俾支咁長嘅針打入去,都幾心痛架!不過族長又出動安慰:"你同我細個都係要打咁多針架啦,佢依家記唔記得痛吖???我就唔記得喇!!!!"

.............................我又真係唔太記得自己咁細個打針嘅情形喎!!但亦唔可以否認佢被打針個吓係好痛架!!!