前幾日,天柏突然連續有兩晚一覺由11pm瞓到朝早6am,滿心歡喜地以為...戒夜奶???
我都知只出現一兩晚嘅表現唔可以作準,果然,跟住嘅晚上,回復正常!!都係3am起一次身食奶!!
呢個令我同族長都好喜歡嘅表現,昨晚又再出現喇,今次仲勁,由12am瞓到今朝8:30am!!!
我開始諗番,點解呢三晚佢可以有咁嘅表現呢??大概有個相同嘅情況,就係呢三晚臨瞓前,佢都食得好勁,幾乎可以用"狂食"黎形容!!
餵人奶,我唔知佢食幾多,所以佢肚餓我就會餵,亦唔會好刻意咁定時定候叫佢起身食(因為我仲放緊產假啊!!)所以我暫時都唔會o係晚上刻意"餓"佢!而令到佢可以晚上唔起身!!都係順其自然啦!!
沒有留言:
發佈留言