一日,在診所等見醫生期間,坐在我身旁有位媽媽抱住她的小可愛,我倆對望一眼後,她便開口問到...
媽媽:"你個BB幾大呀?"
我答:"4個月多DD!"
媽媽:"嘩,唔似喎,好大個咁呀!!"
我答:"係呀,佢生得比較老積D!你嘅BB呢??"
媽媽:"7個幾月喇!"
我:".................."唔識回應佢,唯有將注意力放在兩個BB身上,叫佢地兩個一齊玩!!
由天柏一出世,"老積"呢個詞語我已經聽慣聽熟,一直都以為,天柏係個外貌生得比較大個一點,所以別人才會有咁嘅回應,到我見到呢位太太的BB,佢話俾我聽佢個BB已經7個月大,我才知道,天柏的身形已經同一個7個月大嘅BB差不多喇,幾乎佢地兩個係一樣大小呢!!
唔知,同佢每餐幾乎飲成8安奶有冇關呢!!4個月到健康院磅豬豬,16磅呀!!勁!!!
沒有留言:
發佈留言