復活假期

一連5日的清明及復活節假期,嘩...咁快就完結喇,雖然拎左一大堆文件回家做,但都爭取每一刻同天柏相處嘅時刻,尤其5日都埋身餵,簡直令我同天柏都為之享受!!呢幾日佢都不知幾乖,笑容又多,食完奶唔太扭計就好快瞓左...其實我相信係因為次次都埋身食,令佢比較疲倦呢!!

聽日因為要同族長去銀行,所以都攞埋假期,過埋聽日,天柏就要食番冰奶喇,而我又要過番每日只可早晚埋身食,其餘時間就要泵奶嘅日子,哎呀,好唔想咁呀!!!

呢個假期,天柏嘅玩意之一:噴口水...

10/4後記:今日發現有技術上問題,所以片段擇日再upload!!