八卦仔

5個月嘅天柏,食奶開始唔轉心,食一陣就會眼仔碌碌咁望住我,之後叫極都唔係太願食!!呢個情況通常出現o係早上起身個餐奶度!另外,可能吸吮能力有進步,呢排食奶佢都好大力咁啜,有時仲o係度玩玩吓,要嚴厲地喝止!!都唔知佢第時出牙仔時點算!!

另外,八卦仔上身,逢親身邊嘅人傾電話,佢又會眼仔碌碌咁望到實,到果個人傾完,佢先會望去第二度!!攪笑!!

另外,係未得天柏同意下,將其沖涼過程曝光..........呢個階段嘅bb,係任人擺佈呢!!
肥仔出場喇