灰姑娘

天天由出世到依家,都好似一個灰姑娘咁,一到夜晚就要跟住我,唔係太肯跟爸爸,唔知點解...

試過我因為收夜左,所以老公就自己到婆婆家湊佢返黎,結果佢喊個不停,就算老公抱住,行住,都攪佢唔掂,返到屋企見到我,仲喊得淒涼,一到我手就即刻收聲,萬試萬靈,攪到老公好冇癮!!今晚我地一齊返屋企,天天唔肯坐車,想我地抱,老公見狀就抱起佢,但天天唔肯跟佢,最後喊到都係要黎我度先收聲!!老公變成沮喪!!!

好似講到佢地父子關係好差咁,但其實只限於夜晚啫,日頭天天肯跟爸爸架,仲可以孭住瞓著添,硬係唔知點解夜晚會變成咁!!

老公,唔好放棄呀!!