食之進程

5個月3星期開始,讓天天進食固體食物,到依家差不多一個月喇,來個小總結啦!!

先是米糊,之後有萍果蓉,香蕉蓉,雪梨蓉,橙汁(後來先知唔可以咁早俾bb飲,所以依家停左,但飲個排又見佢冇乜點,仲鬼死咁鐘意添!)

再之後有節瓜蓉,冬瓜蓉,木瓜蓉,最近試少少魚肉,但食後唔知點解,成個頭都係魚胆味!!幾次都係咁,唔知係咪未食得住呢!!

有時婆婆煲蔗水,海底椰湯,在未加調味前會"不"起俾天天飲,佢好鐘意喎!!

第二罐米糊差不多食完喇,婆婆話食完會煲粥仔,到時可以食d豬肉,雞肉喎,另外又可以食多d唔同嘅蔬菜.

我估都係時候喇,依家佢見到我地食野,都會伸手想攞同會張開口,間中會吞口水添!

便便方面,尚算理想,每日起碼有一次,但程度就比以前"杰"身,味...亦較臭!!!

由出世到依家,我都冇刻意要他戎夜奶,佢有時都要食一至兩次,其實主要係我自私啊,我冇花精神時間去氹佢,經驗話我知,如果佢只係扎醒,我一抱起佢,佢就會瞓番,如果佢係肚餓醒呢,抱起佢佢就會啜你件衫,又唔肯瞓番,所以若我遇到呢個情況,都會餵他食,咁樣我先有覺好瞓啊!!

我知咁樣係唔好,但埋身餵總算方便,假若日後母乳工廠需要結業,而天天需要幫襯人造奶時,我想我會下定決心,要他戎了吧!!