天天依家對身邊各項事物都好好奇,公公婆婆帶佢到超市,俾佢坐在兒童坐位,佢會好好奇地四處望,又會大叫,表現好興奮般.我帶佢出街,搭車時佢就不停大叫同講"非洲話"(我同老公將bb話形容為的語言)!又成日撩其他人!
每日早上的第一餐奶,我都會邊餵邊泵,但近日就出現困難,第一,天天見到有個泵,個頭就成日望住,食幾口望一望,第二,通常呢個時候,老公同婆婆都會在家中走來走去,各有各忙,老公忙住要執東西返工,婆婆則忙住執拾家具,呢個時候,天天又會食幾口,就望吓佢地做緊乜!!最後,佢發現對腳掂到個泵,就會用對腳嘗試踢個泵,當然,呢個咁好玩嘅玩意,亦會令佢放棄食奶啦,如是者,佢早上其實唔係食到好多!!兼一家要踢走個泵為止!
唔知係咪開始牙痕,當我抱住佢時,佢會好肉緊咁雙手抓住我D頭髮,跟住將我個面或下巴貼近佢個口,跟住就一口咬落黎AND啜...成面口水!!
最衰就係食緊奶時,用牙肉咬住我,仲要有拉扯嘅動作,雖然我知佢牙痕,有需要做呢個動作去舒緩,但實在好痛呢,試過俾我鬧到佢喊晒,跟住好似到依家都未試過!
翻身呢個動作,就變得好純熟喇,但間中都尚欠平衡呢!
沒有留言:
發佈留言