今日,逗完天天便便後,便帶他到我張床躺下,打算為他穿上新尿片,只係擰轉了一個身,就聽到一聲巨響...接著是慘烈的哭聲......
冇錯,天天轆了落地下,幸好背脊落地,頭仔被其床柵(近地面那部份)承住,未有著地!
接著,就是一把漸近的男人聲大叫:做咩野事呀???
我只好自首道:天天剛從床上跌了落地!!!
當然隨之而來的便是一堆--做乜咁唔小心呀,你冇睇實佢咩,做乜放佢咁近床邊架......
觀察了好一個下午,總算未見有什麼異樣,他與平日一樣,咁活潑,頭亦沒有被發展商收購,仍然是草皮一塊!
OK OK!我以後會小心一點,唔會再俾佢跌落黎架喇,我...個一刻都好驚架!!
8 則留言:
真係要睇緊d,佢地d動作好快!
細佬仔要跌跌下先會大既....
森,
雖則說要跌吓先會大,但最好都唔好啦,唔跌都會大嘛!!第時到你做人老豆你就知!!
藍mama,
係呀,依家連望少一眼都唔得呀!
hello,
幸會幸會, 張相在香港(屋企窗外)影的, 我的小盈都係06年11月出世, 可以交流心得
個個BB總試過跌落床的, 真係劫數難逃.
wheel,
係呀,大家都係0611喎,一定可以交流交流啦!
軒爸,
我最初以為自己會好小心,可以幫佢避過一劫呀,但點知...都係唔得!!
必必都跌過一次, "好彩"係老公唔小心, 唔係真係俾佢丙暈...
大家都小心d啦
怒眼媽,
我亞媽仲衰,佢同我老公講,好彩唔係佢地跌親天天,如果唔係,實俾我鬧死喎!!!
發佈留言