最近在討論區,與其他媽咪傾開,先知我居住的一區,有間幾好的幼兒園,原來bb滿一個月,便可以入表申請,拿拿臨同老公講,點知俾佢亂槍掃了一輪,可能因為佢冇心理準備我會同佢講呢個話題,可能因為佢一直以為,到天天兩歲才需要處理呢個話題,依家個仔先得9個幾月,佢一定諗:使唔使咁快呀!
其實我之前都好似佢咁諗,唔係到兩歲先要考慮同行動咩,不過既然間學校又俾咁細個遞表,咁遞吓又無妨啫!反正到時我都未必報一間咁少!
正因為要交表,所以今早帶了天天去影証件相,個樣...有點呆豬豬,好似未瞓醒咁,費事嚇襯大家,都係唔好post出來了!影左証件相,咁得閒就順便整埋特區戶照同回鄉咭喇,咁就可以隨時出國呀!
老公同我媽咪都有一個共同嗜好:釣魚,為左舒緩佢地呢年幾來照顧我同天天嘅辛勞,今日特意叫老公陪媽咪釣一次魚,當媽咪聽到老公話去釣魚,即刻成個人生猛晒,以前我都會同埋佢地一齊去,但現在天天仲細,所以我就冇帶埋佢去咯,佢地通常會在陰澳搖船仔釣到5pm,我就約了他們到欣澳MTR等,之前可以順便到廸欣湖走一走,再到廸士尼門口拍吓照,都係一個幾好的節目啊!
5 則留言:
真係要早啲報名，我就係遲咗報playgroup仔仔十四個月仲係同我玩，佢好悶我好累，要等一月至有班開呀！
呆豬豬好閑啫，小C張護照相係臨時影，係個大喊樣，冇花冇假。。。
莫太,
我幫天天報左kindermusik,試堂時佢好開心,所以咪俾佢去玩吓,至於幼兒園,只因為個間可以滿月就遞表排定隊,所以先咁快咋,其實我都諗住俾佢夠2歲9個月先讀N1,不過咁就會做"大仔"囉!!要6歲9個月先會讀小一啊!!
阿四媽,
護照可以用幾耐呀,如果年期短,夠期時即刻去整過咪得囉!!
藍藍聽日都去kindermusik試堂,唔知佢鍾唔鍾意呢?
一諗細路仔讀書我就頭痛,大家要交流下囉!
護照可以用五年。
藍mama,
等藍藍上完堂,講吓佢上堂嘅表現吖.
天天聽日上第二堂,唔知有咩野玩呢!!
發佈留言