體重控制...成功了!!

自從族長上週有好幾天去了釣魚,暴晒了幾天後,他...終於病倒了,患了傷風(其實我也不知道是我感染到他,還是他自己焗病了!!!所以,他也只好乖乖看醫生和到書房瞓了!!今日,還是鼻聞聞地陪我到母嬰健康院覆診!

自11/9/06被盧醫生勸告要戒口及控制體重後(其實是因為被驗到尿糖有1個+之後),已經好乖地少吃甜食,當然間中仍忍不住口,吃少少月餅,少少甜品,少少雪糕...但冇食過朱古力啊,好有進步了!!!

今日驗尿,冇事啊!!好正常呢!!即問族長:"係咪可以食番多少少甜品呢??"但仍是換來相同答案--唔得!原因是:"你仍然超重呀!!"

哎呀,體重控制這項目,我已經好有進步了!
未懷孕前,有 50kg (110lb),都好OK吖!!
26/4/06 有 53.1kg (116.8lb)
6/6/06 14週 54.5kg (119.9lb)
18/7/06 20週 58.3kg (128.3lb)
29/8/06 26週 63kg (138.6lb)
26/9/06 30週 64.3kg(141.5lb)

26週與30週(4個星期)相比,只是重了2.9lb咋!!比起20-26週時,已節制好多了!!

所以,現時我想得最多的問題,通常都是:"跟住果餐,食咩野好呢??"

芒果糯米糍

肥媽教煮芒果糯米糍,好似好容易啊!!

材料
1.糯米粉 130g
2.芒果汁一包 250ml
3.椰絲 適量
4.芒果 適量




做法
1.將糯米粉+芒果汁撈勻後,用微波爐煮4分鐘
2.搓糯米粉團,加芒果粒搓圓
3.鋪椰絲即成!!

係咪好似好簡單呢!!

食咖哩

星期一突然好想食印度咖哩+薄餅,以前市中心都有一間的,但...結業了,問過同事,聽說在友愛重開,所以收工後,去找找打算買個外賣回家享受一下,誰知,找了很久,都沒有,只找到一間泰國菜館...不知是不是同事將印度咖哩vs泰國咖哩攪亂了呢,算吧,惟有帶住失望的心情回家去!!

等到族長收工,還給他笑了好一會(因他一早就叫我不要自己去找,他說知道置樂有啊!!)最後,給笑了好一會的我,終於約到族長今晚帶我去,哈哈,等了數日,終於可以吃了,但...又有點傷風,不知可否吃呢??吃--走辣,相信可以啊!!

提起咖哩...又令人想起...大尾篤的忠誠的咖哩炒蟹了!!!

恭喜媽咪懷孕7個月了

<7個月的資訊>

恭喜媽咪懷孕七個月了，隨著胎兒的成長，您的子宮和乳房越來越膨脹擴大，由於過度拉扯，腹部和乳房可能會形成妊娠紋。(好彩到依家都未有!!)有時您會感覺到子宮收縮，偶爾會有疼痛；有時會有胃灼熱、消化不良等情況。(哈!!這些都未有啊,淨係好想食甜品呢!!)體重平均增加1-2千克(kg)---已經唔止喇!!

胎兒大小：體重約1.4千克(kg)---這個就差唔多喇!!11/9/06量度都有1.323kg了，長度約40厘米(cm)。

器官發展：已能眨眼、吸吮拇指，並能伸展手足和踢腳。皮膚呈紅色而多皺紋，骨骼開始堅硬，但頭骨仍保持軟而柔韌以便於生產。

除左上述情況外,最近發現自己唔可以仰臥睡,瞓一陣就會背脊痛,一定要側睡!!

幸好,晚上仍未有被bb踢醒,仍然可以有覺好瞓,但就一定會半夜去一次廁所呢!!!

29週

如果38-39週,BB便可以出世的話,那麼,我便有9-10個星期左右,便可以生產了!!不知那時會怎樣呢!!朋友表示,如果可以自己生,最好自然生產!!我不知那時會怎樣,希望BB愛錫我,讓我與他有個難得而又順利的經驗吧!!

從沒想過自己懷孕會這麼輕鬆,到現時為止,我仍未感到太辛苦!!這相信是我的福氣吧!!人總會有點貪心,如果這個福氣,可以帶到去生產的那一刻,你說,這有多完美呢!!但我亦相信,人必須付出一點努力,才會有收穫,所以我會俾心機去行樓梯,希望過程可以順利一點啊!!

昨日,我告知族長,朋友說我生產完之後,最好不要掂水,要掂的都一定要是暖薑水,所以第一個月,BB沖涼工作,會交予他!!!他...吸了一口大氣,之後才答應!!真難得!!

這是他第二個所克服的,便是抱細BB,他表示,細BB太輕,有點可怕啊!!!是怕弄傷BB,還是不喜歡輕淋淋的感覺,我得去求証一下了!!

族長的挑戰

族長昨日去釣魚,沒有我陪伴的日子,他總會遺漏帶東西的!昨日,他便漏帶戶外活動必須的用品,太陽傘,太陽油,帽及長袖衫,結果,變了一舊炭回來!!連咀都有點腫!!至於雙膝,更似被嚴重燒傷似的,步行都好似有點困難!!!

除了大量飲水,他本想買腐竹雞旦糖水清一清,但糖水店剛好賣光,問店員還有什麼選擇,那間不知是什麼糖水店,經常什麼也沒有!!結果在冇得選擇的情況下,他...竟買了他從來也不吃的---綠豆沙!!!

"豆...是俾雀食的!!"這句話,由我剛認識他那時開始,他便是這樣去理解了!!所以,所有豆類的製品,他都不會吃的,但昨日,他竟然主動買下綠豆沙!!奇蹟!!可想而知,他痛的程度...有幾大!!

不過這也是一件好事,最少,他嘗試過,因為他的另一句金句,便是--"咩野都要試吓!!"

好,下次,我便要他嘗試---榴槤!!!

真人與上鏡

好多人都說:一定要在懷孕期間為自己拍照,以作紀錄,因為這個時間不長,如果錯過了,便可能再冇機會!!

我...一直對這話...有保留!!事關,我總是接受不了自己現時的身形!!都就快3張的我,都冇試過那麼肥!!會不會一踏入3張野,體重便停留不動呢,或者是一直肥落去呢!!!!!!!!!!!!!!!!

昨日,約了一聚舊同學食飯,很耐沒有見面的指定動作,便是拍照,今日,收到相片的e-mail,覺得自己很難看啊!!!但看鏡子,感覺就不一樣了,何解呢!!!

椰絲麥片曲奇

肥媽教煮曲奇餅,用代糖而且有麥片,我相信應該有益又唔會肥的,可以用來治口淡淡的孕婦呢!!

椰絲麥片曲奇

材料：麥片 1杯
低脂牛油 50毫升
自發粉 1杯
椰絲 1杯
泡打粉 1茶匙(這是什麼呢)
代糖 1　1/2茶匙
糖醬 1茶匙

做法：1. 將麥片、低脂牛油、自發粉、椰絲、泡打粉、代糖及糖醬於容器內拌勻
2. 將材料搓成球狀放於焗爐內以180度焗約20分鐘

好簡單呢,族長答應整啊!!天大的喜訊!!

口淡淡!!

最近,不知是不是自己胖了,習慣了,還是小熊bb真的有點不妥,總是覺得他的郁動比早前細力了!!今早,對他說了數次,叫他不要讓我担心,可以的話,大力一點踢我當做運動吧!!今日,感覺好像比較實在,他...是否真的明白呢??還是因為感到媽媽整天都好似"唔飽同肚空空"而抗議呢??

其實我也不是刻意減食呢,以下是今日的三餐"
早餐--芝士火腿三文治一塊+烚旦一隻+奶一盒
早點--香蕉一隻
午餐--波菜+薯仔蕃茄牛腩+白飯+細橙一個
下午茶--即沖牛奶麥片一杯
晚餐--通菜+雞翼+菜圃炒旦+白飯+魚湯

其實都好似好豐富喎!!!(我自己寫完都覺得好足夠),但...為何...總是有唔飽的感覺呢??呀!!唔係唔飽啊,係口淡淡呀!!總想吃甜食!!!點攪好啊!!!

唔通真係要忍---忍------忍!!!

恭喜豬族族長--生日快樂!!

昨日替豬族族長慶祝生日,有機會讓我品嘗極其好味的黑森林旦糕!!起初,族長只分了一小份給我,但因大家都極力稱讚旦糕非常好味,所以,我再可以分多一小份,太好了,一整天的第一個甜品!!多謝豬族長!!

3個月的作戰!!

糖尿...我以為我不會中招!!點知,不幸地,我中了,雖然醫生表示好輕微,叫我不用担心,但...點會唔担心啊!!!臨走佢只係叫我戒甜食,包括旦糕,汽水,朱古力,雪糕等,其他咩野都唔使減喎!!這些全都是令人快樂的食物呀,戒左...咪唔快樂o羅!!!但冇辦法啦,族長陪我一齊看醫生的,所以他一定會按照醫生的指示,控制我的!!!
你睇吓d野食幾吸引!!!

今早,都覺得自己好乖,整了一個早在懷孕初期已討厭的早餐--麥皮+烚旦+奶!!!未懷孕前這個套餐,我很喜歡的,但到了懷孕初期,不知為何,一食就想嘔!!尤其烚旦,總覺得放不入口啊!!!最後,醫生表示不一定要吃烚旦的,所以改吃炒旦做早餐,呵呵,好味得多了!!自始,我便吃炒旦三文治做早餐,當然,每朝一盒奶,我仍然喜愛!!
你睇呢d食物......幾有營養!!!!!!!

現在,仍有3個月的作戰,在下次見醫生時,絶對不可以再驗到有尿糖啊,所以,無論有多辛苦,我都會乖乖的,戒甜食!!還有,要積極控制體重!!不然,要開刀的機會就大了!!昨日新高--142lb!!!重了32lb,點攪!!

聽覺

最近聽過一位醫生分享,他說人到了生命最後一刻,仍然可以聽到"聲音",我不其然聯想到--BB在母親肚子裡,最快的,都是聽到聲音!!!真神奇啊!!

我們是怎樣來,果真是會怎樣離去,有所不同的,是我們享受了一段精彩的人生,有許多值得我們去回憶的片段,結識了不同的人,做過不同o既事,分享和經歷了過不同的經驗........

所以無論生命的時間有多久,都總值得我們去好好享受!!

現在,我正好好享受懷孕的感覺和體驗啊!!明日我又有機會與在肚內的小熊bb見面了,不知他又會重了多少呢!!

擔心

近日有點擔心,因為我覺得小熊bb郁動得較以前少!!!本想立即去看醫生,但...他又不是一動也不動,只是少了一點,而且11/9我都約左見盧醫生,所以,都是繼續觀察呢!!希望沒事吧!!

前日jusco已經送了bb床來我家,族長今日襯我上班期間,已經試了砌床,一切順利,位置都可以,但因為我家的房間較少,所以買的時候,我們已經知道,床是不可推出廳啊,唯有想過另一個方法,可能好似朋友的建議,買一個籃,放在廳,有需要時使用吧!!!

同時間,族長亦已試用消毒奶樽機,初時好似在運作上出現問題,但用了幾次之後,又得喎!!!不需要取回jusco更換了!!

現在......還要買些什麼呢!!!

D奶樽...咁難啜架!!!

最近貪得意,開左個奶樽黎試吓,於是族長就放D水入去,試吓飲o既時候,會有點樣o既感覺......

唔試唔知...原來比我地想像中難啜呀!!

其實,係咪可以將個咀整大D呢???但又會唔會一下子入得太多奶,會逐到BB呢??都係時候向D媽咪取下經先得喇!!

台北有休麼好地方去啊??........吓,我每次去都是"喪食"架!!

今日翻開報紙,有以下新聞一則:

【明報專訊】據說，旅遊讓人年輕，因為喜愛旅遊的都是對世界充滿好奇的人。好奇便是保持青春常駐的靈丹妙藥。當然，更實際的是，不再十八廿二的人，只要年不過三十，還能申請青年證。青年兩字 白紙黑字的在手，青春那有不回來的道理。

大家都知道，除了國際學生證，12至25歲非全職學生，都能申請國際青年證（IYTC），最近台灣行政院青年輔導會推出「青年旅遊卡」（YTC），把青年的定義再擴大一點。

凡15至30歲的海內外青年均可免費申請。青年旅遊卡提供景點門票、交通、民宿、小吃名產、縣市觀光護照等，多達200多項旅遊優惠。例如國立故宮博物院，持證在手，門票減半，只收新台幣50（約12.5港元）﹔台北101登觀景台減收50新台幣（約12.5港元），以優惠價300新台幣（約60港元）登上世界最高摩天大廈﹔在鼎泰豐，憑卡消費，可獲贈小籠包手機吊飾（很抱歉，不是送小籠包）。

申請方法簡單，只要出示有效身分證明文件（限本人申請），到青年輔導會全國各區青年交流中心（Youth Hub）、中正國際機場和小港國際機場觀光局旅客服務中心櫃，以及觀光局旅遊服務中心（重要火車站、捷運站和航空站），即可免費辦理，立即發卡。

申請及優惠詳情﹕http://youthtravel.tw

立時向族長講:"喂,有優惠呀,出年再去都用得著喎!!!"
族長立時回應:"唓,得你有得用!!!不過咁都好,都可以慳到d $$!!但係到時你都唔舒得放低小熊bb啦!!"

哈哈!!咁又係喎,到時睇吓點啦,有時d野,話唔埋o既!!

之後,族長表示最近有個同事問佢,台北有咩野地方好去,族長就話:"吓,我唔知喎,我每次去,都係去"喪食",睇風景o既地方,我唔係好知喎!!!

冇錯,我地每次去,都係喪食,只係會去d有野食o既地方逛,從來都唔會觀光的!!!所以,通常都會肥左幾磅咁返黎!!

下次......唔知係幾時去呢!!!

整床仔.....我要離家迴避啊!!!

昨日與族長行街,原本只打算四處逛,看看小熊bb所需用品的價錢,誰不知遇上jusco有折,計計下,上次托朋友買的奶樽,正價要$45一個,朋友替我們買都要$25一個,現在只需要$22.8咋!!!

之後族長又見到個消毒奶樽機,都有折扣,仲送多4個奶樽,都是賣$342!!!好抵呀,所以,上述所有物品,都買了回家!!

返元朗後,與爸媽商討bb房的位置,最後,還是不用大裝修了,只折掉書枱及書櫃,換來bb床及電腦枱便可以,最後,我和族長都覺得,在jusco見到的一張bb床,無論在我家還是元朗,都適合不過,價值$1035,其中一邊床欄還可改裝成小童床,讓小朋友自己爬上床睡覺呢!!相信可以睡至3-4歲!!!所以,急性子的我,便游說族長,買下一張先!!!售貨員表示可以送貨,所以我們沒有即時取走,讓它下週慢慢送來吧!!!

今日,同事對我表示,bb床送來的時候,我.....要迴避啊,即是,我要離開屋企,直至完成床仔裝好為止!!!我....都是第一次聽咋,不過既然有這樣的做法,當中一定有其原因呢,所以,我都會乖乖地跟從!!!

熊族成立大典

尚有4個月3星期零4日,便是熊族成立兩周年的紀錄日!!!到時應正忙於照顧小熊bb呢!!

小熊bb成長歷程

不經不覺,完來我已經帶著小熊bb過了26週5日了!!
還有94日,我們便會見面啊!!好期待呢!!