7個月喇!

同學PAM終於在昨晨誕下孖女喇,記得多D休息,湊孖女我估需要好多精神呀,因為我湊一個都覺得有點吃力,當然係指初出世時啦!

上週初次帶天天到泳池游水,嚴格黎講,只係踩水啫,在BB池中不停彈跳,樂在其中,玩了約半小時便回家去,聽日我地又打算同佢去喇,今次特地買了一件保暖泳衣,仲要買兩歲SIZE,著落都好似啱啱好咁,果真係大隻仔,另外又買了個坐得嘅水泡俾佢玩,連SEIKO姐姐都買來一個啊,一個BB有兩個水泡,真幸福!!

最近竟在屋企門口撞番中學同學,佢已經34周喇,我話佢知我有個7個月大嘅仔,佢唔多信,到我俾相佢睇,佢先信,當然,兩個亞媽坐埋一齊,就梗係講仔女經講到收唔到口啦,已經約好聽日游完水後,帶天天去探佢喇!

話咁快,不經不覺,天天已7個月喇,有以下不同嘅表現:

1. 佢見到什麼都想攞,之後就梗係放入口啦!

2. 發現到自己把聲好得意,所以不停大嗌,不停咁講野!

3. 就快出牙喇,不停流口水!

4. 坐得比之前穩,但間中仲有向兩邊擺,唔扶住佢,就會砰一聲响喇.

5. 每日食一餐粥仔,成大半碗(大人食飯嘅SIZE計)

6. 暫時都可以保持每日一便便,GOOD!!

7. 仍然都會食夜奶!!

8. 識叫爸爸,嗲嗲,間中會叫媽媽,但似叫爸爸多D,另外就係呀,嗚,E等等.

9. 去過泳池,但未去過沙灘.

大致係咁多啦,由一舊粉團到依家學會咁多技能,難怪個個育兒專家都話BB階段的學習速度係超乎想像啦!