作為奶媽,一放假就會抱住個仔唔放,當佢肚餓時即刻埋身餵,以維持充足供應,從冇間斷!即是話,我冇放過假,冇享受過一點私人生活,一點私人空間,但我都係人啫,我確實有呢個需要喎!!
老公,放假就係放假,因為天天會照樣交予婆婆照顧,而他亦可以去享受一點私人時間,做點私人野,例如運動!
不要誤會,我不是在呷醋,因為我完全明白,角色唔同,身份唔同,天天的需要亦唔同,我知老公都想在放假時照顧佢,但最衰,天天唔太肯跟佢,而且老公一個人...現階段係攪唔掂天天的,唔知點解!!!
由上週末開始,天天開始唔食糊仔,改食粥仔,一開始佢已經可以食到成大半碗,入面有菜,肉同蛋黃,食左呢餐,佢會大約4個鐘頭先會肚餓,所以我就乘機蛇左去游一個水.
嘩,爽到爆呀,自從有了天天後,都未試過做運動,又唔敢減食喎,怕d母乳冇營養,所以體重仍維持在一個自己還未接受到的數字,幾多就唔好講喇!今日一游,感覺多好!
多謝媽咪幫我睇住天天一會呀!!
4 則留言:
我都好登您開心, 可以一個人出去鬆一鬆. 我生完之後, 都未出去做過運動. 其實湊仔都需要好大運動量. 人奶媽媽唔好節食呀, keep住餵, 好快會修身.
生女先會跟爸爸的....
robo mama,
我都聽過餵母乳會快d修身,但好老實,我到依家為止...都唔覺喎!!所以先的起心肝去做運動咋!!
森,
係咪架!!!但天天識叫"爸"同"嗲"先喎!!!
通常聽d老人家話,囝囝係跟媽媽,囡囡係跟爸爸既,不過呢d唔知係唔係真喇.
發佈留言