天天日漸長大,體重亦隨之而不斷增加,每日來回元朗屯門,單靠孭帶,背脊已開始投訴了,尤其出現在婆婆身上,因此早幾日已安排天天坐士的車了!
起初怕他脊骨未成熟,驚有影響,但見他坐下時又冇特別啊,因此都係開始用了!
今日婆婆表示要買架學行車放其家,原因係天天不喜歡獨處,當見到剩下自己一個時,都會大哭,婆婆試過好多方法都不湊效,所以唯有孭住佢,但天氣漸熱,咁孭洔都唔係辦法,所以婆婆向我申請要買架學行車啊!
其實我一直都唔想俾佢坐,健康院姑娘都話唔好,但要我媽湊孫得黎都可以做到家務,呢個係唯一辦法,唯有請我媽在空餘時多陪他玩,盡量在有需要時才坐吧!
6 則留言:
之前想買士的車, 但個老闆娘又話唔輕得過架combi 幾多, 所以都鄭重考慮中.你買左邊架?
至於學行車,必必表哥仔俾左架佢, 同你一樣,我都唔想佢坐, 但奶奶都俾左d 壓力我, 只好叫老公做醜人, 盡量堅持啦.
我個人覺得士的車比combi輕一d,我在吉豬島買的,baby land,不可以躺下那款.大概$400左右.
學行車方面,我就冇得諗喇,因為揾亞媽幫手湊,又實在唔想影响佢家務上嘅工作,所以如果亞媽再開聲話要買,我都要買喇!!
thanks! 早前響反斗城見過一款seat位可捲起塊尼龍,露出網狀底, 似乎幾涼快,等我再去望下你果架先.
你買都唔拘既,自己阿媽信得過. 如果係工人,我會擔心佢擺左bb上去就唔同佢玩囉.
唔駛一定學行車嘅, 以天天的月數買張bb high chair都ok...
哈哈,無用架,好快BB 會唔鐘意坐學行車. 比天天坐下BB 車或high chair 啦.
我個仔果時都唔肯坐學行車(所以一直無買)
BB 好貪新鮮, 乜都係坐一陣, 呢度坐下果度坐下, 比個玩具佢玩下又一陣.
有時,老人家嘅意見,點都要聽吓,俾佢見到天天連學行車都唔坐,佢先會死左條心,同埋,聽從佢意見,會令佢條氣順d咁解,實際,天天試了兩三日,坐嘅時間真係唔多!!
發佈留言