天天手指仔,指頭無名的脫皮,上週開始先是兩隻食指和一隻手指公,及後陸續在其他手指頭出現,這怪怪的表現,當然第一時間找醫師.
醫師未有確實表明是什麼病,只問到:最近有冇掂到d咩野呀?估計都係d敏感啫!
醫師...一個13個月大的bb,當然咩野都會摸啦,我那知他那時那刻摸著什麼呢!!心想.
婆婆想了好幾遍,都估計敏感源頭是否用了超市牌的濕紙巾抹手所致.最後,醫師亦給了藥膏,並說要搽兩至三個星期先會痊癒.
敏感,我好怕,皮膚敏感我更怕,天天早前已出過兩次濕疹,都是衣物質地所引起,不是所謂尼龍呀纖維呀等質地,而是純棉質料,但卻以朱地抓毛等方式展現那種,所以現在買衣服真的要很小心!
突然有個估計,未知他的皮膚敏感與我懷孕期內無戎蝦有冇關係呢?!
7 則留言:
我懷孕時幾乎乜都戒，都無戒蝦，因睇過書蝦某種營養成分好好，而阿b出世後都無乜問題。
天天的皮膚敏感除左衣服，會唔會同乾燥有關。早排好乾，我隻b都爆晒拆，塊面紅晒，要不時同佢搽 cream，仲要少d開暖氣。
天天一定好快好番。但你幫佢搽藥膏係手，佢會不會放入口架？
唔好怪自己有冇戒乜戒物啦. bb 皮膚咁嬌嫩, 有少少敏感唔出奇喎. 只要天天無影響心情食欲, 一樣食得訓得玩得, 唔駛擔心.
小兒栩栩在一歲前都試過手指同腳趾仔甩皮, 仲有d無色的粒粒, 唔痕, 原因不明, 摸落去鞋烚烚好似老人家咁,復元得好慢, 要兩三個星期先好番. 可能換左d死皮, 好番後皮膚比以前更滑, 所以唔駛擔心.
皮膚敏感真的很煩人。
如果西藥無效，可考慮中醫。
我家小豬B的皮膚回復光滑，也是好中醫的功勞 ^^
喵,
我都係睇書,話蝦其實好有營養價值,所以冇戒呀!
火,
咁天天又好食得喎!
栩爸,
我間中都會去你度架,多謝你話我知栩栩細個都試過呀,天天依家嘅情況,同栩栩的一模一樣,睇醫生冇話係d咩野,但都係話要兩三個禮拜先好番!
farmer,
天天好左d喇,若果再唔得,我又試吓中醫吖,謝謝.
我個仔三歲, 而家啲手指頭及腳指頭都係甩緊皮, 唔痕又唔痛, 甩咗都有一個星期...係唔係甩完就無事?
我個仔因為食得太多有維他命A的食物,即係一餐又食紅蘿蔔,又食蕃茄,又食南瓜,所以中招囉,之後減左一齊食同份量,就冇事喇.
你不如問吓醫生,因咩野事會脫皮啦,咁對正下藥會好D:)
發佈留言