唔知摸到亞b隻手定隻腳!!

bb越大越有力,雖然我仲未見到個肚皮有bb的手或腳的形狀突出黎,但我好明顯知道佢撐住我個肚,當佢撐住時,我會用手摸下佢,好實架,仲好似摸到個腳板咁,好得意,通常會在個胃對落的肚皮上出現!!今日開會期間,又覺得佢撐住,隔離個同事好奇咁望住我摸自己個肚,我咪叫佢又摸下,佢都摸到呀!!

已經第34週喇,話都冇咁快就就快生得喇,今日樓下個管理員仲問我,係咪今個月尾生得,可能我個肚都真係比較大,佢先會咁問我,但我去健康院,有d媽咪個肚仲大過我果個好多喎...

臨到就黎生,唔知點解,好想飲咖啡,奶茶,可樂......