一直都好想自己可以餵人奶,為bb同自己都好d,因為好多媽媽都話,bb會冇咁容易病,而且媽咪自己又可以快d修身,嘩...正!!!最好可以著翻自己未懷孕之前d衫,咁就最好!!
但係,生仔其實有好多情況都唔係可以自己控制到,例如亞b幾時想出世,到時要用幾耐時間生,可唔可以自己生,定還是要開刀......一切我都唔知,亦唔可以控制,雖然有好多期望,但...同做人一樣,我只可以為結果作好準備,至於到實際的時候,係咪可以咁順利,就要靠天喇!!
如果可以自己生,咁我o既如意算盤就可以打得响喇,自己生完,個傷口復完會好d,餵人奶又會容易d,可以快d做運動,即係可以快d修身......真係好想係咁!!
昨晚發夢,見到自己餵人奶俾bb呀!!哈哈,瞓醒都不知幾開心,個夢入面,自己仲好似好多奶添!!!你話我係咪真係好想自己做得到吖!!
4 則留言:
乜你對自己咁無信心呀!生仔同餵人奶好易架咋!等我比d貼士你啦, 一定得架! 信我啦! (我係咪好似街邊的神棍?)
如果你現在唔決定用咩方法生同餵唔餵人奶, 到正式上陣時會好易動搖, 咁到時真係好多野你控制唔到.
首先陣痛時記得鎮定d, 唔好典床典蓆, 咁樣會好易扭親同"晒力", 以深呼吸來止痛, 因為氧氣有止痛作用, 總之記得深呼吸, 同用埋意志力同自己講"越痛 = 子宮開得好好 = 就快見到BB", 咁好快就會挨過, 你亦可以試做無痛分娩, 咁咪自己生到囉.
餵人奶都係, 要對自己有信心同決心, 我個人覺得最辛苦係頭兩個星期, 因為要每兩小時餵一次奶, 之後就feed on demand, 不過你咁想餵到, 現在刨熟d 餵人奶的資料, 到時就事半工倍. 一定得架! 信我啦!
餵人奶的確有好多好處,
人生也的確有好多事不能自己掌控.
但懷著樂觀和熱誠前進確是上著,
至少可以讓小熊b有個豁達的媽咪 :)
多謝各位的支持,放心,我會努力,唔會咁容易放棄架,我依家正努力找出可以順產大隻bb的方法,仲會同亞b講,可以的話,夠磅就好出世喇!!!唔知有冇用呢!!
餵人奶係一個好好o既經歷,雖然我無nikita咁叻餵全人奶,但係我好珍惜同我兒o既親密接觸.
要多d問有經驗o既媽媽,雖然每個人o既case都唔同,但係問多d,知多d,距離成功不遠矣!
預祝你能成為人奶mama!
近來敷藥無得餵,好失落呀!:'(
發佈留言