男人

媽咪：『老公，我篤左手指咁多次，我覺得你點都要經歷一吓我嘅經驗囉。』

爸爸：『吓。有咁嘅需要咩？』

媽咪：『反正部血糖機都係租之嘛，CHECK吓你D血糖有冇問題都好架。』

爸爸：『我冇事喎。』

媽咪：『咁咪當知道吓我一星期要自己篤12次嘅之味囉。』

爸爸：『我已經知道女性生小孩係好偉大同辛苦喇。』

媽咪：『把口話知道係唔夠架，要實際體驗先得架。』

天天：『你地o係度做咩野呀。』

媽咪：『爸爸要篤手指呀。』

天天：『我都篤過啦，唔痛架，好快冇事架喇。』
(話說上回佢要抽血，被篤手指喳D血出黎嘅經驗，好難忘。)

爸爸：『媽咪，你唔好迫我啦，你都知我最怕打針，依家仲要自己篤，咁恐怖。

媽咪：『車，有幾恐怖啫，我咪個個星期都係咁篤。』

天天：『媽咪，你唔好篤爸爸，爸爸，我欄住你，唔被媽咪過黎。』

(死仔吖)

結果，爸爸緊係o係媽咪嘅威脅下完成呢個似是創舉嘅所謂創舉啦。

後記...

爸爸：(同奶奶展示...)『亞媽，你睇，我隻手指有個針窿呀。』

奶奶：『超。』