星期五,我同族長都放假,諗o左好耐,都唔知去邊好,未有小熊bb之前,我地一齊放假,唔使諗多數都會去搵陽光與海灘--浮潛實無走雞啦!天氣無咁熱就多數去o左釣魚,但係為o左待埋小熊bb一齊先去玩,所以惟有選擇其他活動!
最後,族長帶o左我去一個好有教育意義,而我又真係咁大個人都未去過o既--香港科學館!!基因革命去到發現有個基因革命o既解說,原來有d人,一出世就有疾病,例如精神病/巨人症/先天性糖尿病等,都係因為DNA內有些異常,而影響到o架!唔怪得我去見醫生o既時候,都會問我家族有無人有呢一類先天性o既病啦!
其實要帶一個健健康康o既小生命o黎,都唔係一件容易o既事,當中除o左媽媽在懷孕期間要小心之外,小生命自己都要付出好多努力,佢先可以o黎到!所以,我都係個句,一切隨遇而安啦!!但最緊要係珍惜自己能與家人相處o既每一刻呀!!
沒有留言:
發佈留言