好掛住個仔的爸爸

天天在公公婆婆家隔離期間，

早上，

老公問：『唔知天天瞓醒未呢？咁早可能未瞓醒喎。』

老婆答：『梗係起左身啦，你掛住佢咪打電話俾佢囉。』

中午，

老公問：『唔知天天食飯未呢？』

老婆答：『你係咪好掛住佢呀，你不如過去亞媽度陪吓佢啦。』

老公飛快答：『好呀，我好快返黎陪你。』

老婆心諗：我使咩野你陪呀！！

晚上，

老公問：『唔知天天瞓醒晏覺未呢？』

老婆答：『老公，你唔好問我喇，你不如依家過去亞媽度啦。』

老公好無耐咁被老婆鬧~~~

老婆再鬧：『你過到去，佢又要話跟你返黎，咁點吖！』

老公冇心機話：『咁我唔過去囉。』

老婆打電話俾亞媽，

亞媽話：『你老公晏晝應承左天天話今晚會過黎喎~~』

老婆大叫：『老公，你係咪應承左個仔話你今晚會過去架，咁你仲唔快D去，應承左就唔該你真係做啦，講D又唔講D。』(激死！)

****************

翌日早上，

老公問：『唔知天天起身未呢？』

老婆~~無氣再答佢喇！