天天的四日學校生活

天天今日第四日返學了，

第一日由我陪，

第二日由公公陪，

第三日開始，要自己上堂了，

這兩日，都由爸爸帶返學接放學，

看他對『返學』不太抗拒，

老師話第三日他曾問：『爸爸幾時黎呀？』

而今日，第四日，爸爸話他因為入學校前見到有個同學扭計，不願入學校，使他曾想哭...

放學爸爸問老師，老師則表示：『他入到班房後就無再想哭喇。』

放學後，他如常到公公婆婆家食午飯，到平台踩單車，之後午睡，

我打電話給他，問他：『你返學開唔開心呀？』

『開心。』

『有冇喊呀？』

『我冇喊，有個姐姐喊。我睇Dora呀，bye bye。』

我未及回應已被他掛斷電話了，

相信他好快便適應學校生活了。

明日又是新挑戰了，天天會留在學校，完成午餐才放學，

明日午餐，是他不太喜歡的粥和麵，

看情況，公公接放學後，都要帶他再食飯了。