36週半的產檢

36週半,又係要去見盧醫生的日子,今日醫生替我量度夠唔夠位可以自己生,結果令我好開心,因為佢話我夠位可以自己生到7磅半bb,但當然要睇即場表現啦,例如子宮開得好唔好,bb身體狀況等,所以我估未到最後一刻,都唔知會點,but anyway,呢個資料對我黎講,實在係一大鼓舞!!

另外,當盧醫生照完bb超聲波後,俾左個結論--"睇黎你個bb會較預產期早最少8-10日出世!"

嘩!!我放前二後八喎!!!咁咪好危!!要快手完成手頭上的工作先得喇!!

星期日還被盧醫生安排到醫院抽血同照下bb的心電圖,佢冇解釋點解要做,不過我相信做左都冇壞!!咁當然會去啦!!

明日又要到健康院見姑娘,臨生產真的比較忙,一個星期見兩次醫生!!不過都好,兩邊都話我情況良好!!咁都會比較安心呢!!