29/11我同族長帶小熊b到健康院見醫生,可能因為之前我地餓佢餓得太緊要,所以佢o既黄疸又高了少少,不過醫生表示應該係佢食奶食得少,所以先會有咁o既情況,叫我地返去俾番多d奶佢飲就可以,醫生幫佢檢查身體時,突然有舊野"luck"左,啊!!原來係小熊b條臍帶呀!!嘩,我冇諗過我唔使點理佢就可以"luck"架!!太好喇,因為之前聽健康院d護士講,話如果清潔得唔好,會發炎架,到時就比較麻煩!!
醫生檢查小熊b時,話佢樣樣野都OK,眼仔大大,個咀又大,隻腳板仲好大添!!手長腳長,第時應該會幾高,而且比佢出世時重左0.1磅--出世時3.225kg,今日磅到3.27kg都算係咁!!
對我同族長黎講,高唔高其實唔太重要,最緊要係健康快樂咁成長,好好去享受生命o既每個經驗同片段!!
明日族長又會帶佢去健康院喇,不過今次係見姑娘,俾姑娘檢查一o下肚臍同度o下黄疸有冇下跌到正常水平,族長第一次單人匹馬帶佢去街,應該攪得掂的!!!
沒有留言:
發佈留言