天天,不論外形,身高,體重,都與大仔冇分別,出街冇人估到佢只得8個月(明日就9個月喇),通常都會問:"1歲喇,係嗎?",唯有好客氣地回應:唔係!!
每每都得到驚訝嘅表情,以及:"嘩,好大隻喎!",間中會有人問:"食咩野奶粉架?"遇有咁問,我都會好自豪咁答:媽咪牌呀!!
最近,同學Pam為著孖女係咪繼續食母乳而煩惱,細B出世只有約5磅,到依家2個月已經有差不多10磅,我同佢講,呢個已經係一個好好嘅成績同鼓勵,要好好堅持呀!
今日佢同我講已經買左雙泵,會試吓繼續餵!Pam,你要加油呀,我都知湊孖嘅又要餵母乳係辛苦d,但之後你睇番,一切都係值得架!!btw,唔使埋d無知嘅同事對你在公司泵奶嘅白眼,雖然初初係有d唔慣,但俾d時間自己適應啦,你做緊做母親嘅天職呀,應該以此自豪先真!
沒有留言:
發佈留言