病態

上週日,帶天天食早餐,見他懵懵樣,好疲倦,哄哄他...有點熱喎,立刻食完手上的魚柳包,帶他回家探熱,噢,有少許發燒喎,亞媽話:病向淺中醫(其實只會用在小孩身上,換轉是自己,咪由佢自己好囉!)所以立時帶他看大夫,大夫話:有少少感冒喎,開了兩支藥水,還好,天天還未對藥水抗拒,乖乖的當糖水般飲下,但藥樽都寫上:"服用後會疲倦"的字眼,所以天天就瞓到咁嘅鬼樣!又唔知點解,明明個頭仔瞓向左邊,唔知幾時竟然調到右邊,邊有人咁懶瞓架!不過見佢食藥期間沒精打采,個心就實晒喇!