天柏開始有佢o既作息時間表喇!
早上起床後,食完第一餐奶之後,係唔會瞓的,而且要我或者族長抱住行先高興,一坐低佢就會大喊!!
之後,要睇佢係幾點起身黎視乎佢食第二餐o既時間,如果太早起身,就要o係10-11am期間食多一餐,呢餐之後佢都係唔瞓住!!
如果10am幾先起身,咁12n-1pm佢要食第二餐,食完呢餐後,佢多數會瞓,大概瞓到5pm!!
5-6pm會食一餐,之後都係唔瞓架,情況同上午一樣!!
直到7:30pm咁尚吓,佢又會肚餓,食飽之後會瞓架喇!呢一覺會瞓到12n-1am,如是者食完呢餐,大概5am會再起身食一餐,之後有時會瞓到8am,有時會瞓到10am,我估視乎天氣同亞少爺仔o既心情掛!!
4 則留言:
即係我地聽日黎到(6pm)咪有得玩,哈哈~好野
一個BB 可以自己訓足五個鐘算係介左夜奶了，看來天柏會在你上班前自己介夜奶，真是一個醒目仔！
都唔知係咪讚壞左!今朝4am醒左之後就冇瞓過一覺超過1個鐘o既覺喇,到3:30pm先肯瞓咋!期間仲要不停食奶添,大約半個鐘至一個鐘食一次,好疲倦喇!!
咁要多d 休息呀! 這些晝夜不分的餵奶日子很快會過.
發佈留言