近日情緒低落,原因係天柏近日食完奶掃完風後都嘔奶!!量仲唔少添!
我開始懷疑自己識唔識掃風,於是翻開12月的媽媽寶寶,睇吓自己有冇攪錯!
天柏就係果d掃極都聽唔到"嗝"一聲o既bb,雖然話唔係個個bb掃風都會"嗝一聲"但起碼掃完唔會嘔奶先吖,佢就唔係喇,掃完15-20分鐘,放番佢落床仔,佢唔夠兩分鐘就會嘔o係張床度!!我試過晒幾個掃風方法,坐o係度掃,抱住黎掃等,情況都係咁尚吓!
試過抱住佢,將佢個頭仔放响我膊頭度,掃掃吓佢嘔奶,仲整左d落個鼻仔度,攪到佢有d遂襯!
依家唯有每次食完奶,掃10-15分鐘風,之後再抱佢10分鐘,覺得佢ok先放佢返床仔!但如果佢要食兩邊的話,呢個餵奶過程,就要花上1個至個半鐘了!!
1 則留言:
我個B 好似天柏咁大時都係掃極唔「嗝」架，那時每次都同佢掃五分鐘，之後打直抱住多五至十分鐘先比佢訓低，有時掃完風太累不想抱，我會摺起毛巾，俾佢有少少角度，如30度咁斜斜地墊高BB，你可以試下，無咁易嘔奶。
重有就是，如軒爸所言，當BB 是「獲利回吐」，不用太擔心的。
發佈留言